ශාන්ත මේරි විදුහල මුල් ඉනිම ජයගනී

අන්තර් පාසල් වයස 15 න් පහළ ‘සිංගර් කුසලාන’ ක්‍රිකට් තරගාවලියේ මීගමුව ශාන්ත මේරි විදුහල සහ මීගමුව මාරිස්ටෙලා විදුහල් ‘බී’ කණ්ඩායම අතර ගොඩිගමුව ක්‍රීඩාංගණයේදී පැවැති  III කොටසේ තරගයේදී පළමු ඉනිමේ ජයක් වාර්තා කිරීමට ශාන්ත මේරි විදුහල සමත් විය.

එහිදී ශාන්ත මේරි විදුහලේ කෞෂාන් විජේරත්න (50) සහ ඉෂාර ප්‍රනාන්දු (55) අර්ධ ශතක ලබාගැනීමට සමත් වූ අතර එම විදුහලේම රෂ්මින ගෝමස් සහ කෞෂාන් විජේරත්න කඩුලු 4 බැගින් දවාගිනිමින් පන්දුවෙන් දස්කම් දැක්වූහ.

ශාන්ත මේරි විදුහල - ඕවර 57 කදී කඩුලු 9 ක් දැවී 201  
(කෞෂාන් විජේරත්න 50, ඉෂාර ප්‍රනාන්දු 55, කවිත කුමාරපේලි 50/3, හිමාල් පෙරේරා 30/2, විදත් සූරියබණ්ඩාර 52/2)

මාරිස්ටෙලා විදුහල් ‘බී’ කණ්ඩායම - ඕවර 26.2 කදී සියලු දෙනා දැවී 89  
(කවිත කුමාරපේලි 39, රෂ්මින ගෝමස් 43/4, කෞෂාන් විජේරත්න 35/4)

-036