(ශානුක අරවින්ද)
ශ්‍රී ලංකා පාසල් ක්‍රිකට් සංගමය සංවිධානය කරන අන්තර් පාසල් වයස 19 න් පහළ ක්‍රිකට් තරගාවලියේ II කොටසේ ‘ඒ’ කාණ්ඩයේ අවසන් පූර්ව වටයට සුදුසුකම් ලැබීමට මොරටුව ශාන්ත සෙබස්තියන් විදුහල අද (7 වැනිදා) සමත් විය.
අනුරාධපුර, සාලියපුර ගජබා රෙජිමේන්තු ක්‍රීඩාංගණයේදී කටුගස්තොට ශාන්ත අන්තෝනි විදුහලට එරෙහිව පැවැති අර්ධ අවසන් පූර්ව තරගයේදී කඩුලු 4 ක ජයක් වාර්තා කරමින් ශාන්ත සෙබස්තියන් ක්‍රීඩකයෝ අවසන් පූර්ව වටයට සුදුසුකම් ලබාගත්හ.
ජයග්‍රහණය සඳහා ලකුණු 148 ක ඉලක්කයක් හඹාගිය ශාන්ත සෙබස්තියන් ක්‍රීඩකයෝ කඩුලු 6 ක් පමණක් දැවී ඉලක්කය සපුරා ගත්හ. ඔවුන් මෙම තරගය ජයගත්තේ පළමු ඉනිම අවසානයේ ලකුණු 45 ක් පසුපසින් සිටියදී වීම කැපී පෙණුන සිදුවීමක් විය.
ජයග්‍රහණයේ නියමුවා බවට පත්වූ ශාන්ත සෙබස්තියන් විදුහලේ මලින්ත සිල්වා, පළමු ඉනිමේදී ලකුණු 60 කට කඩුලු 4 ක්ද, දෙවැනි ඉනිමේදී ලකුණු 54 කට කඩුලු 6 ක්ද බැගින් ඉනිම් දෙකේදී කඩුලු 10 ක් බිඳහෙළීමට සමත් විය.
ශාන්ත අන්තෝනි විදුහල් පළමු ඉනිම - ඕවර 70 කදී සියලු දෙනා දැවී 204
(සනුක කල්පන 41, කෞෂික කුමාරසිංහ 18, චාරුක ඒකනායක 24, කෙවාන් ප්‍රනාන්දු නොදැවී 89, මලින්ත සිල්වා 60/4, රිසිනු ප්‍රබේෂ් 21/2)
ශාන්ත සෙබස්තියන් විදුහල් පළමු ඉනිම - ඕවර 67 කදී සියලු දෙනා දැවී 159
(කවීෂ පෙරේරා 18, උෂේන් සිල්වා 33, රයන් දිසානායක 33, නවෝද් ප්‍රනාන්දු 34, දිනුර ගනේගොඩ 20/3, චාරුක ඒකනායක 66/3, කෙවාන් ප්‍රනාන්දු 09/2)
ශාන්ත අන්තෝනි විදුහල් දෙවැනි ඉනිම - ඕවර 35.4 කදී සියලු දෙනා දැවී 103
(ඔකිත ප්‍රනාන්දු 29, චාරුක ඒකනායක 21, කෙවාන් ප්‍රනාන්දු 28, මලින්ත සිල්වා 54/6, ශෙනාස් හෂේන් 23/3)
ශාන්ත සෙබස්තියන් විදුහල් දෙවැනි ඉනිම - ඕවර 51.1 කදී කඩුලු 6 ක් දැවී 149
(කවීෂ පෙරේරා 49, නවෝද් ප්‍රනාන්දු 58, සදෙව් අමරකෝන් 22/2, රයන් ග්‍රෙගරි 24/2, චාරුක ඒකනායක 33/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
