සනුත්ට ශතකය මඟ හැරෙයි

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ දෙවැනි වටයේ තරගයකදී අම්බලන්ගොඩ ධර්මාශෝක විදුහලට එරෙහිව පැරබෝලා න්‍යායට අනුව ලකුණු 35 ක ජයක් හිමිකර ගැනීමට කොළඹ තර්ස්ටන් විදුහල සමත්විය. මෙම තරගය කොළඹ තර්ස්ටන් විදුහල් ක්‍රීඩාංගණයේදී පැවැත්විණි.

ජයග්‍රහණය සඳහා ඕවර 43 කදී ලකුණු 223 ක ඉලක්කයක් හඹාගිය ධර්මාශෝක විදුහලට වර්ෂාව හේතුවෙන් තරගය අවසන් කරනවිට ඕවර 22 කදී කඩුලු 7 ක් දැවී රැස්කිරීමට හැකිවූයේ ලකුණු 108 ක් පමණි. තරගය ජයග්‍රහණය කිරීමට ධර්මාශෝක විදුහලට ඕවර 22 කදී ලකුණු 144 ක් රැස්කළ යුතුව තිබුණි.

තර්ස්ටන් විදුහල වෙනුවෙන් පිත්තෙන් දස්කම් දැක්වූ සනුත් නන්දිනු ශතකය පෙනි පෙනී ලකුණු 96 කට දැවී ගියේය.

තර්ස්ටන් විදුහල - ඕවර 43 කදී කඩුලු 6 ක් දැවී ලකුණු 222
(සනුත් නන්දිනු 96, බවන්ත ජයසිංහ නොදැවී 46, රනේෂ් සිල්වා 29, ලක්මාල් ද ආබෲ 47/3)

ධර්මාශෝක විදුහල - ඕවර 22 කදී කඩුලු 7 ක් දැවී ලකුණු 108