සැහැල්ලු පන්දු ක්‍රිකට් විනිසුරුවන් බඳවා ගනී

සැහැල්ලු පන්දු ක්‍රිකට් විනිසුරුවන් අළුතෙන් බඳවා ගැනීමේ තරග විභාගය සඳහා ඉදිරිපත් වන්නන්ගෙන් දැන් අයැදුම්පත් කැඳවන බව ශ්‍රී ලංකා සැහැල්ලු පන්දු ක්‍රිකට් විනිසුරුවන් හා ලකුණු සටහන්කරුවන්ගේ සංගමය පවසයි.

වයස 22ට වැඩි 35ට අඩු කාන්තා හා පිරිමි දෙපක්ෂයටම ඒ සඳහා අයදුම් කළ හැකිය. ලිඛිත හා වාචික පරීක්ෂණ දෙකකින් පසුව සමත්වන්නන් සැහැල්ලු පන්දු ක්‍රිකට් විනිසුරුවන් ලෙස ශ්‍රී ලංකා සැහැල්ලු පන්දු ක්‍රිකට් සම්මේලනයේ ලියාපදිංචි කෙරෙන බව එහි විධායක නිලධාරී රණදේව කුමාරනායක මහතා පවසයි. සැහැල්ලු පන්දු තරගාවලි වෙනුවෙන් ක්‍රීඩා කර සහතික පත් ලබා තිබීම මේ සඳහා අමතර සුදුසුකමක් වන අතර තරග විභාගයට පෙර අයදුම්කරුවන් සඳහා මූලික පරීක්ෂණයක්ද පැවැත්වේ.

ලේකම්, ශ්‍රී ලංකා සැහැල්ලු පන්දු ක්‍රිකට් විනිසුරු හා ලකුණු සටහන්කරුවන්ගේ සංගමය, 249/ඒ, පහළ බෝමිරිය, කඩුවෙල  යන ලිපිනයට සිය අයදුම්පත් ලියාපදිංචි තැපෑලෙන් යොමු කළ යුතුය. 0713-200151, 0778-500151 හෝ 0718-159352 යන දුරකතන අංක ඔස්සේ ඒ පිළිබඳව වැඩිදුර තොරතුරු ලබාගත  හැකිය.

- 223