Last Update  :  2025-04-04 12:58:00 About Contact
Follow Us -
IMG-LOGO
නිවස්න පිටුව Cricket සිව්දින තරගය සම්පූර්ණයෙන්ම සේදෙයි

සිව්දින තරගය සම්පූර්ණයෙන්ම සේදෙයි

editorial - 2021 නොවැ මස 17 {{hitsCtrl.values.hits}} Views 0 Comment
A A A

 

සංචාරයක බටහිර ඉන්දීය කොදෙව් පිල සහ ශ්‍රී ලංකා ක්‍රිකට් සභාපතිගේ පිල අතර පැවැත්වීමට නියමිතව තිබූ සිව්දින තරගය එකම පන්දුවක් හෝ නොයවාම අතහැර දැමීමට සිදුවිය. සිව්වැනි සහ අවසන් දිනය වූ අද (17 වැනිදා) වර්ෂාව පතිත නොවූවද පෙර දිනයන්හී පැවැති වර්ෂාව හේතුවෙන් ක්‍රීඩාංගණයේ යාර 30 සීමාවෙන් එපිට ප්‍රදේශය ක්‍රීඩා කිරීමට නුසුදුසු තත්වයට පත්ව තිබිණ.

එස්.එස්.සී ක්‍රීඩාංගණයේදී පැවැති මෙම තරගයේ පළමු, දෙවැනි සහ තෙවැනි දිනයන් වර්ෂාවට සේදී ගිය අතර අද උදෑසන ක්‍රීඩා පිටිය පරීක්‍ෂා කළ විනිසුරුවෝ උදෑසනින්ම තරගය අතහැර දැමීමට තීරණය කළහ. ඒ අනුව මාස ගණනක් පුරා සුදු පන්දුවට ඇස හුරුකරගෙන සිටි කණ්ඩායම් දෙකෙහි ක්‍රීඩකයන් වැඩි පිරිසකට රතු පන්දුවට ඇස හුරුකර ගැනීමට තිබූ අවස්ථාව ගිලිහි ගියේය.

ශ්‍රී ලංකාව සහ බටහිර ඉන්දීය පිල අතර පැවැත්වෙන පළමු ටෙස්ට් තරගයට එක්වන දෙපිළේම ක්‍රීඩකයන්ට පුහුණු තරගයකින් තොරවම ක්‍රීඩා කිරීමට සිදුවනු ඇත.

පළමු ටෙස්ට් තරගය මේ මස 21 වැනිදා සිට 25 වැනිදා දක්වා ද, දෙවැනි ටෙස්ට් තරගය 29 වැනිදා සිට දෙසැම්බර් 3 වැනිදා දක්වා ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.

 

- 2079


අදහස් (0)

සිව්දින තරගය සම්පූර්ණයෙන්ම සේදෙයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.