සෙබස්තියන් ‘බී’ පිලත් අවසන් පූර්ව වටයට

ශ්‍රී ලංකා පාසල් ක්‍රිකට් සංගමය සංවිධානය කරන අන්තර් පාසල් වයස 15 න් පහළ ‘සිංගර් කුසලාන’ සීමිත ඕවර ක්‍රිකට් තරගාවලියේ II වැනි කාණ්ඩයේ අවසන් පූර්ව වටයට සුදුසුකම් ලබා ගැනීමට මොරටුව ශාන්ත සෙබස්තියන් විදුහල් ‘බී’ කණ්ඩායම සමත් විය.

වත්තල ශාන්ත ජෝෂප් විදුහලට එරෙහිව හොරණ තක්ෂිලා විදුහල් ක්‍රීඩාංගණයේදී පැවැති අර්ධ අවසන් පූර්ව වටයේ තරගයේදී ලබාගත් ප්‍රසාද ලකුණු සංඛ්‍යාව අනුව සෙබස්තියන් විදුහල් ‘බී’ කණ්ඩායම අවසන් පූර්ව වටයට සුදුසුකම් ලබා ගත්තේය.

එහිදී දක්ෂ පිතිහරඹයක නිරත වූ සෙබස්තියන් විදුහල් ‘බී’ කණ්ඩායමේ මිලාෂ් පෙරේරා (51) අර්ධ ශතකයක් ලබාගත් අතර ටෙරාන් ප්‍රනාන්දු ලකුණු 29 කට කඩුලු 3 ක් දවාගනිමින් දක්ෂ පන්දු යැවීමක නිතර විය.

ශාන්ත සෙබස්තියන් විදුහල් ‘බී’ පිල - ඕවර 83.3 කදී කඩුලු 4 ක් දැවී 204
(මිලාෂ් පෙරේරා 51, ක්‍රිෂාන් බණ්ඩාර 41, තිරාල් බාස්කරන් 29, තිහයිෂ මෙන්ඩිස් 29, අබීත කෞෂාන්ත 48/2)

ශාන්ත ජෝෂප් විදුහල - ඕවර 15.5 කදී කඩුලු 4 ක් දැවී 137
(ටෙරාන් ප්‍රනාන්දු 29/3)

- 036