(ශානුක අරවින්ද)
අන්තර් සමාජ පළමු පෙළ ක්‍රිකට් තරගාවලිය යටතේ බී.ආර්.සී. ක්‍රීඩා සමාජයට එරෙහිව මොරටුව ද සොයිසා ක්‍රීඩාංගණයේදී පැවැති තරගයේ පළමු ඉනිමේදී ද්විත්ව ශතකයක් සහ දෙවැනි ඉනිමේදී ශතකයක් වාර්තා කිරීමට නුගේගොඩ ක්‍රීඩා සමාජයේ රොෂාන් විජේනායක සමත් විය.
ඉකුත් ඉරිදා (16 වැනිදා) නිමාවට පත්වූ මෙම තරගය ජය පැරදුමකින් තොරව නිමාවට පත් විය. ජයග්‍රහණය සඳහා ලකුණු 463 ක දැවැන්ත ඉලක්කයක් හඹාගිය බී.ආර්.සී. ක්‍රීඩකයෝ, තරගය නිමාවට පත්වන විට සිය දෙවැනි ඉනිම වෙනුවෙන් කඩුලු 4 ක් දැවී ලකුණු 51 ක් ලබා සිටියහ.
පළමු ඉනිමේදී හයේ පහර 2 ක් සහ හතරේ පහර 14 ක් සමග නොදැවී ලකුණු 201 ක් රැස්කළ රොෂාන්, දෙවැනි ඉනිමේදී ඊට නොදෙවෙනි පිතිහරඹයක නිතර වෙමින් හයේ පහරක් සහ හතරේ පහර 8 ක් සමග නොදැවී ලකුණු 105 ක් රැස්කළේය. එහිදී ඔහුට අනගි සහායක් දුන් තිලකරත්න සම්පත් (77 සහ 92) ඉනිම් දෙකේදීම අර්ධ ශතක ලැබීය.
නුගේගොඩ පළමු ඉනිම - කඩුලු 9 ක් දැවී 401
(තිලකරත්න සම්පත් 77, රොෂාන් විජේනායක 201, අක්‍රම් මුතාලිබ් 41, චාමිකර එදිරිසිංහ 32, චාමික හීනටිගල 125/5)
බී.ආර්.සී. පළමු ඉනිම - සියලු දෙනා දැවී 200
(දේෂාන් ඩයස් 20, දිල්ෂාන් ද සොයිසා 55, දුලාෂ් උදයංග 52, දුලාජ් අෂේන් 21, චාමික එදිරිසිංහ 7/64, තිලකරත්න සම්පත් 72/2)
නුගේගොඩ දෙවැනි ඉනිම - කඩුලු 3 ක් දැවී 261
(තිලකරත්න සම්පත් 92, රොෂාන් විජේනායක නොදැවී 105, ඩිලාන් ජයලත් නොදැවී 50, චාමික හීනටිගල 108/2)
බී.ආර්.සී. දෙවැනි ඉනිම - කඩුලු 4 ක් දැවී 51
(දිල්ෂාන් ද සොයිසා 17, තිලකරත්න සම්පත් 21/2, චාමිකර එදිරිසිංහ 24/2)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
