(ශානුක අරවින්ද)
ශ්‍රී ලංකා ක්‍රිකට් ආයතනය සංවිධානය කරන අන්තර් සමාජ පළමු පෙළ ක්‍රිකට් තරගාවලිය යටතේ මුවර්ස් ක්‍රීඩා සමාජය සහ කුරුණෑගල යොවුන් ක්‍රීඩා සමාජය අතර කුරුණෑගල වෙලෙගෙදර ක්‍රීඩාංගණයේදී පැවැති තරගයෙන් කඩුලු 10 ක පහසු ජයක් වාර්තා කිරීමට මුවර්ස් ක්‍රීඩා සමාජය අද (16 වැනිදා) සමත් විය.
ජයග්‍රහණය සඳහා ලකුණු 10 ක ඉලක්කයක් හඹාගිය මුවර්ස් ක්‍රීඩකයෝ ඕවර 1.4 ක් අවසානයේ කිසිවකු නොදැවී ඉලක්කය සපුරා ගත්හ. මුවර්ස් ක්‍රීඩා සමාජය මෙවර තරගාවලියේදී පූර්ණ ජයක් ලැබූ තෙවැනි අවස්ථාව ලෙසද මෙය සටහන් විය.
මෙම තරගයේදී දක්ෂ පිතිහරඹයන්හි නිරත වූ මුවර්ස් කණ්ඩායමේ කණ්ඩායමේ ජනිෂ්ක පෙරේරා (52), සොහාන් ද සිල්වා (78) සහ සදීර සමරවික්‍රම (50) අර්ධ ශතක ලබාගත්හ.
එහිදී නායක රමේෂ් මෙන්ඩිස් ලකුණු 72 කට කඩුලු 6 ක් දවාගත් අතර චානුක දිල්ෂාන්, ශිරාන් ප්‍රනාන්දු සහ මිලාන් රත්නායක කඩුලු 4 බැගින් බිඳහෙළමින් මුවර්ස් කණ්ඩායම වෙනුවෙන් පන්දුවෙන් දස්කම් දැක්වූහ.
කුරුණෑගල යොවුන් පළමු ඉනිම - සියලු දෙනා දැවී 136
(සමීර සඳමාල් 19, දිනුෂ්ක මාලන් 19, රමේෂ් මෙන්ඩිස් 34/5, ශිරාන් ප්‍රනාන්දු 41/3, මිලාන් රත්නායක 25/2)
මූවර්ස් පළමු ඉනිම - සියලු දෙනා දැවී 315
(ජනිෂ්ක පෙරේරා 52, සොහාන් ද සිල්වා 78, සදීර සමරවික්‍රම 50, සිතාර ගිම්හාන 18, රමේෂ් මෙන්ඩිස් 24, මිලාන් රත්නායක 42, ශිරාන් ප්‍රනාන්දු 28, කවික දිල්ෂාන් 119/5, ළහිරු ජයරත්න 42/2, ඩිලංක අයුවාඩ්ට් 89/2)
කුරුණෑගල යොවුන් දෙවැනි ඉනිම - සියලු දෙනා දැවී 189
(ධනුෂ්ක ධර්මසිරි 16, සමීර සඳමාල් 34, දිනුෂ්ක මාලන් 35, ගයාන් මනීෂාන් 49, ළහිරු ජයරත්න 20, චානුක දිල්ෂාන් 37/4, මිලාන් රත්නායක 65/2)
මූවර්ස් දෙවැනි ඉනිම - කිසිවකු නොදැවී 11
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
