(ශානුක අරවින්ද)
ශ්‍රී ලංකා ක්‍රිකට් ආයතනය සංවිධානය කරන අන්තර් සමාජ පළමු පෙළ ක්‍රිකට් තරගාවලිය යටතේ බදුරලිය ක්‍රීඩා සමාජය සහ මීගමුව ක්‍රිකට් සමාජය අතර කටුනායක එෆ්.ටී. ඉසෙඩ්. ක්‍රීඩාංගණයේදී පැවැති තරගයෙන් ලකුණු 71 ජයක් වාර්තා කිරීමට මීගමුව ක්‍රිකට් සමාජය අද (16 වැනිදා) සමත් විය.
ජයග්‍රහණය සඳහා ලකුණු 207 ක ඉලක්කයක් හඹාගිය බදුරලිය ක්‍රීඩකයන්ට සිය දෙවැනි ඉනිම වෙනුවෙන් සියලු දෙනා දැවී ලබාගත හැකි වූයේ ලකුණු 135 ක් පමණි. පළමු ඉනිමේදී ලකුණු 47 කට කඩුලු 4 ක් දවාගත් නිෂාන් පීරිස්, දෙවැනි ඉනිමේදී ලකුණු 35 කට කඩුලු 8 ක් දවාගත්තේ ජයග්‍රහණයේ නියමුවා බවට පත් වෙමිනි.
එහිදී මීගමුව කණ්ඩායමේ ප්‍රමෝද් මධුවන්ත (නොදැවී 63) අර්ධ ශතකයක් ලබාගත් අතර බදුරලිය කණ්ඩායමේ චානක කොමසාරු ලකුණු 126 කට කඩුලු 8 ක්ද, චානක රත්නසිරි 82 කට කඩුලු 7 ක්ද බිඳහෙළමින් පන්දුවෙන් දස්කම් දැක්වූහ.
මීගමුව පළමු ඉනිම - සියලු දෙනා දැවී 140
(කේෂාන් වන්නිආරච්චි 16, ශෙෂාන් ප්‍රනාන්දු 38, හංසජ හිරුන නොදැවී 18, චානක රත්නසිරි 21/4, චානක කොමසාරු 41/4)
බදුරලිය පළමු ඉනිම - සියලු දෙනා දැවී 128
(අලංකාර අසංක 23, ගිහාන් කෝරලගේ 22, චලන ද සිල්වා 35, හංසජ හිරුන 39/4, නිෂාන් පීරිස් 47/4, උපුල් ඉන්ද්‍රසිරි 24/2)
මීගමුව දෙවැනි ඉනිම - සියලු දෙනා දැවී 194
(දිමුත් සඳරුවන් 21, ප්‍රමෝද් මධුවන්ත නොදැවී 63, ශෙෂාන් ප්‍රනාන්දු 16, හංසජ හිරුන 23, උපුල් ඉන්ද්‍රසිරි 38, චානක කොමසාරු 85/4, චලන ද සිල්වා 28/3, චානක රත්නසිරි 61/3)
බදුරලිය දෙවැනි ඉනිම - සියලු දෙනා දැවී 135
(දුනිත් ජයතුංග 34, අලංකාර අසංක 16, රනේෂ් සිල්වා 34, නිෂාන් පීරිස් 35/8)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
