(දමින්ද විජේසූරිය)
නිශාන් පීරිස්ගේ (59/5) අගනා පන්දු යැවීම හමුවේ යාපනය මුල් ඉනිම ලකුණු 246 කට සීමාකරගත් කොළඹ ක්‍රීඩකයෝ ගාල්ල ක්‍රීඩාංගණයේදී පැවැත්වෙන එන්.එස්.ඒල්. තරගාවලියට අයත් පළමු පෙළ තරගය ජයගැනීමට නම් ලකුණු 454 ක් ලබාගන්නා ලෙස යාපනය පිලට අභියෝග කළහ.
තරගයේ තුන්වැනි දිනය වූ අද (15 වැනිදා) සවස ක්‍රීඩාව නතර කරන විට යාපනය කණ්ඩායම සිය දෙවැනි ඉනිම වෙනුවෙන් කඩුල්ලක් දැවී ලකුණු 73 ක් ලබා සිටියේය. අද සවස තරගය නතර කරන විට ෂෙවොන් ඩැනියෙල් (නොදැවී 32) සහ රවිඳු රසාන්ත (නොදැවී 39) කඩුල්ලේ රැඳී සිටි අතර තරගය ජයගැනීම සඳහා යාපනය පිලට තවත් ලකුණු 381 ක් අවශ්‍යව තිබේ.
ලකුණු 140 ක මුල් ඉනිමේ වාසියක් සහිතව පිටියට පිවිසි කොළඹ පිතිකරුවෝ ආරම්භයේ සිටම තරමක් වේගවත් පිතිහරඹයක යෙදෙමින් කඩුලු 6 කට ලකුණු 313 ක් රැස්කරගනිමින් සිය ඉනිම අත්හිටවූහ.
ධනංජය ලක්ෂාන් (75) සහ කවීන් බණ්ඩාර (57) දෙදෙනා අතර තුන්වැනි කඩුල්ල වෙනුවෙන් පැවැති ලකුණු 121 ක සම්බන්ධතාවට වැය වූයේ ඕවර 25 ක් පමණි. කවීන් බණ්ඩාර ලකුණු 220 දී දැවී ගිය නමුත් ළහිරු මධුශංක සහ දුෂාන් හේමන්ත එක්ව පන්දු 79 කින් ලකුණු 93 ක එකතු කළහ. දුෂාන් හේමන්තගේ අපරාජිත ලකුණු 58, හතරේ පහර 5 කින් සහ හයේ පහර 2 කින් සමන්විත විය.
කොළඹ - පළමු ඉනිම 386 යි
(නවෝද් පරණවිතාන 39, අවිශ්ක ප්‍රනාන්දු 144, ධනංජය ලක්ෂාන් 23, කවීන් බණ්ඩාර 77, චරිත් අසලංක 51, දුෂාන් හේමන්ත 31, මූවින් අබිනාශ් 93/2, ජෙෆ්රි වැන්ඩසේ 86/6)
යාපනය - පළමු ඉනිම 246 යි
(ෂෙවොන් ඩැනියෙල් 13, රවිඳු රසන්ත 13, ජනිත් ලියනගේ 51, අංජල බණ්ඩාර 88, චාමික කරුණාරත්න 29, ජෙෆ්රි වැන්ඩසේ 18, නිමේෂ් විමුක්ති 13, කසුන් රාජිත 34/2, නිශාන් පීරිස් 59/5)
කොළඹ - දෙවැනි ඉනිම කඩුලු 6 ට 313 යි
(නවෝද් පරණවිතාන 15, අවිශ්ක ප්‍රනාන්දු 41, ධනංජය ලක්ෂාන් 75, කවීන් බණ්ඩාර 57, චරිත් අසලංක 14, ළහිරු මධුශංක නොදැවී 30, දුෂාන් හේමන්ත නොදැවී 58, නිමේෂ් විමුක්ති 92/2, මුවින් අබිනාෂ් 63/2, ජෙෆ්රි වැන්ඩසේ 85/2)
යාපනය - දෙවැනි ඉනිම කඩුලු 1 ට 73 යි
(ෂෙවොන් ඩැනියෙල් නොදැවී 32, රවිඳු රසාන්ත නොදැවී 39)
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
