Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Football ඒකාබද්ධ ජාතික පාපන්දු සංචිතයක්

ඒකාබද්ධ ජාතික පාපන්දු සංචිතයක්

editorial - 2021 අගෝ මස 11 {{hitsCtrl.values.hits}} Views 0 Comment
A A A

(නාමල් පතිරගේ)

ළඟ ළඟම යෙදී තිබෙන ජාත්‍යන්තර තරගාවලි දෙකක් සඳහා ඒකාබද්ධ ජාතික පාපන්දු සංචිතයක් පවත්වාගෙන යාමට ශ්‍රී ලංකා පාපන්දු සම්මේලනය සැරසේ.

ලබන ඔක්තෝබර් 01 සිට 13 වැනිදා දක්වා ‘මාලේ’ නුවරදී 13 වැනි සාෆ් පාපන්දු ශූරතා තරගාවලිය පැවැත්වේ. කටාරයේදී ආසියානු වයස 23 න් පහළ ශූරතා තරගාවලියේ ‘ඒ’ කාණ්ඩයේ තරග වටය පැවැත්වීමට නියමිතව ඇත්තේ ඔක්තෝබර් 27 සිට 31 වැනිදා දක්වාය.
මෙම ජාත්‍යන්තර තරගාවලි දෙක සඳහා ශ්‍රී ලංකා ජාතික කණ්ඩායම හා ශ්‍රී ලංකා වයස 23 න් පහළ ජාතික කණ්ඩායම් සහභාගිවීමට නියමිතය.

ජාතික පාපන්දු සංචිතයේ නේවාසික පුහුණුවීම් මෙම 31 වැනිදා සිට කෝට්ටේ බැද්දගාන ජාතික පාපන්දු සංවර්ධන මධ්‍යස්ථානයේදී ආරම්භ කිරීමට කටයුතු යොදා ඇත. ජාතික සංචිතයේ ක්‍රීඩකයන් රැසක්ම වයස 23 න් පහළ යොවුන් ක්‍රීඩකයන් වන බැවින් තරග සංචාර දෙකම ඉලක්ක කරමින් එහි පුහුණුවීම් පවත්වාගෙන යාමේ පහසුව සැලසී තිබෙන බවද වාර්තාවේ. පළමුව නිමාවට පත්වන සාෆ් තරගාවලියෙන් පසුව එහි යොවුන් ක්‍රීඩකයන්ද ඇතුළත් කරමින්,  වයස 23 න් පහළ සංචිතය ලෙසින් පුහුණුවීම් අඛණ්ඩව පවත්වා ගෙන යාමට පාපන්දු සම්මේලනය සැලසුම් සකස් කරමින් සිටී.

ශ්‍රී ලංකාව ආසියානු වයස 23 න් පහළ තරගාවලියේදී සිරියාව, කටාරය හා යේමනයට එරෙහිව සුදුසුකම් ලැබීමේ තරග තුනකට සහභාගීවීමට නියමිතය.


අදහස් (0)

ඒකාබද්ධ ජාතික පාපන්දු සංචිතයක්

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.