(නාමල් පතිරගේ)
සත්කාරක කටාරයට ගෝල 5-0කින් ඊයේ (28) රාත්‍රියේ පැවැති තරගයකදී පරාජයට පත්වූ ශ්‍රී ලංකාව ආසියානු සමුළු වයස 23න් පහළ පාපන්දු තරගාවලියේ මූලික වටයෙන්ම ඉවතට විසිවිය.
ශ්‍රී ලංකාවට ‘දෝහා කටාර්’ හිදී පැවැත්වෙන තරගාවලියේ ‘ඒ’ කණ්ඩයේ මූලික වටයේ තවත් තරගයක් ඉතිරිව තිබියදී ඉන් ඉවත්ව යාමට සිදුවූයේ මුහුණදුන් පළමු තරගයෙන් ගෝල 5-0කට සිරියාවට පරාජය වීමෙනි.
ඒ අනුව හෙට (30) ශ්‍රී ලංකාව යේමනයට එරෙහිව මූලික වටයේ සිය තෙවැනි (අවසන්) තරගයට මුහුණදීමට සුදානම්ව සිටියේය. එසේ වුවත් එම තරගයේ ජයග්‍රහණය පමණක් තරගාවලියේ ඉදිරියට යාමට ශ්‍රී ලංකාවට ප්‍රමාණවත් නොවේ.
වසර 2016 සිට ශ්‍රී ලංකාව ඊයේ වන තෙක් සහභාගිවී තිබෙන වයස 23න් පහළ ජාත්‍යන්තර පාපන්දු තරග හතකදී කිසිදු ජයග්‍රහණයක් වාර්තා කිරීමට සමත්වී නොමැත.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
