(නාමල් පතිරගේ)
මුල්‍ය කමිටුව තමන්ට පවරා ගනිමින් ශ්‍රී ලංකා පාපන්දු සම්මේලනයේ විධායක සභාව 12 දෙනකුට සීමා කිරීමට එහි සභාපති ජස්වර් උමාර් මහතා පියවර ගෙන තිබේ. මෙතෙක් කලක් පාපන්දු සම්මේලනයේ විධායක සභාවේ සංයුතිය වූයේ 28 දෙනකි.
ප්‍රධාන විෂය පථයට අයත් අනු කමිටු හයක සභාපතිවරුන් පත් කිරීමේදී එම සියළු පත්කිරීම් වැඩබලන තනතුරු ලෙස පත් කිරීමට ද කටයුතු කර තිබේ. ඊට ආසන්නතම හේතුව වන්නේ පාපන්දු සම්මේලනයේ දැන් ක්‍රියාත්මක අනුකමිටු සභාපතිවරුන් වැඩි දෙනකු මෙතෙක් නිල බලයෙන් සම්මේලනයේ විධායක සභාව නියෝජනය කිරීමයි.
පාපන්දු සම්මේලනයේ එළැඹෙන ව්‍යවස්ථා සංශෝධනයේදී (විධායක සභාවේ නව සංයුතිය තහවුරු කෙරෙන තුරු අනුකමිටු ප්‍රධානීන් ‘වැඩබලන’ තත්ත්වයක් තබන්නේ එවිට ඔවුන් විධායක සභාව නියෝජනය කිරීමක් සිදු නොවන බැවිනි. කෙසේවුවත් සම්මේලනයේ නීති උපදේශකවරයා හා පාසල් සංගමයේ නියෝජිතයා තවදුරටත් විධායක සභාව නියෝජනය කරයි.
පසුගිය ජූනි 01 වැනිදා පත්වූ පාපන්දු සම්මේලනයේ විධායක සභාවේ කාලසීමාව එක් වසරකට පමණක් සීමා කරමින් ලබන වසරේ මැයි 31 වැනිදා අවසන්වීමට නියමිතය. අනතුරුව කැඳවන නිලවරණයේදී පත්වන විධායක සභාවේ නිල කාලය සිව් වසරක් දක්වා බල පැවැත්වේ.
මේ අතර ජස්වර් උමාර් මහතා පවසන්නේ තවත් අනුකමිටු කිහිපයකම පත්කිරීම් ඉදිරියේදී සිදු කෙරෙන බවයි. නව පත්කිරීම් අතර පළාත් හා දිස්ත්‍රික් ප්‍රවර්ධන කමිටු ගණනාවක ප්‍රධානීන්ද නිර්දේශ කර තිබේ. නව විධායක සභාවේ පත්වීමෙන් පසුව සිදුකර තිබෙන අනුකමිටු හා දිස්ත්‍රික් ප්‍රවර්ධන කමිටු ප්‍රධානීන් හා එහි සාමාජිකයන් සඳහා පාපන්දු සම්මේලනයේ මධ්‍යම කමිටුවේ අනුමැතිය ලබා ගත යුතුව ඇත.
පාපන්දු සම්මේලනයේ අනුකමිටු සඳහා පත්වූ නව සභාපතිවරුන් මෙසේය.
මූල්‍ය හා ජාත්‍යන්තර සබඳතා - ජස්වර් උමාර් මහතා
කලාපීය සංවර්ධන – උපාලි හේවගේ මහතා
මධ්‍යම පළාත් ප්‍රවර්ධන – රංජිත් රුද්‍රිගු මහතා
තාක්ෂණික – කේ.පී.පී. පතිරණ මහතා
උතුරු පළාත් සංවර්ධන – ඊ. ආනෝල්ඩ් මහතා
දකුණු පළාත් ප්‍රවර්ධන – ඩිල්ෂාන් නාගහවත්ත මහතා
කිලිනොච්චි හා මන්නාරම දිස්ත්‍රික් ප්‍රවර්ධන කමිටුව – එස්. වරතරාසන් මහතා
ජාතික කණ්ඩායමේ ප්‍රවර්ධන – මේජර් ජනරාල් උපාලි ගුණසේකර මහතා.
තාක්ෂණික – අබ්දුල් මනාෆ් මහතා
කොවිඩ් මෙහෙයුම් - වෛද්‍ය එම්. චතුර නායගම් මහතා
තරග – නාවික කොමදෝරු ඊ.එම්.ආර්. ද සිල්වා මහතා
කාන්තා ප්‍රවර්ධන – ඔලීවියා ගමගේ මහත්මිය.
විනිසුරු - බී.ජී. අනුර ද සිල්වා මහතා
මාධ්‍ය සම්බන්ධීකරණ – නීතිඥ සමන්ත ජේ. පීරිස් මහතා
යොවුන් හා කනිෂ්ඨ ප්‍රවර්ධන – ජගත් කුමාරද සිල්වා මහතා
ක්‍රීඩකයන්ගේ සම්බන්ධීකරණ – කේ.ඩී. චන්ද්‍රපාල මහතා
වෛද්‍ය – වෛද්‍ය එල්. බුද්ධික මහතා
මහජන සබඳතා හා පාසල් - නියෝජ්‍ය පොලිස්පති නන්දන මුණසිංහ මහතා. (මෙතෙක් පත් කළ දිස්ත්‍රික් සංවර්ධන කමිටු ප්‍රධානීන්)
කිළිනොච්චිය හා මන්නාරම යන දිස්ත්‍රික් ප්‍රවර්ධන – ටී. වරතරාසන් මහතා
මඩකලපුව – එච්. උදය කුමාර මහතා
මාතර – බ්‍රිගේඩියර් කේ.යූ.ඒ. කොඩිතුවක්කු මහතා.
මුලතිව් - ජී. ජයබාහු මහතා
යාපනය – ආර්. යෝගරාජ් මහතා.
වවුනියාව හා ත්‍රිකුණාමලය යන දිස්ත්‍රික් ප්‍රවර්ධන – ඒ. නාගරාජන් මහතා.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
