රිනවුන් පිල අපරාජිත වාර්තාව රැකගනී

ඩයලොග් ශූරයන්ගේ ලිග් පාපන්දු තරගාවලිය යටතේ අද (15) බම්බලපිටිය පොල්ස් ක්‍රීඩාංගණයේපැවැති තරගයකදී ගෝල 3-0 කින් ශ්‍රී ලංකා පොලීසිය පැරදවූ රිනවුන් ක්‍රී.ස. කණ්ඩායම සිය අපරාජිත 5 වැනි ජයග්‍රහණය වාර්තා කිරීමට සමත්විය. 

මේ වනවිට තරග 7ක් සම්පූර්ණ කර ඇති රිනවුන් කණ්ඩායම තරග 5කින් ජය ලබාගෙන ඇති අතර තරග දෙකක් ජය පැරදුමෙන් තොරව අවසන් කිරීමට සමත් ව තිබේ. 

හත්වැනි අදියර යටතේ අද පැවැති හවස තරගයකදී ජාවාලේන් ක්‍රී.ස. ජය වාර්තා කිරීමට සමත් විය. 

තරග ප්‍රතිඵල 

• රිනවුන් ක්‍රී.ස. විසින් ශ්‍රී ලංකා පොලීසිය පරාජය කරන ලදී. (ගෝල 3-0)
• ජාවාලේන් කණ්ඩායම විසින් මොරගස්මුල්ල ක්‍රී.ස. පරාජය කරන ලදී. (ගෝල 2-1)
• නිව්යංග්ස් ක්‍රී.ස. සහ සෝන්ඩර්ස් කණ්ඩායම අතර තරගය ජයපරාජයෙන් තොරව අවසන් විය. 
• නිගම්බෝ යූත් ක්‍රී.ස. සහ නාවික හමුදාව අතර තරගය වර්ෂාව හේතුවෙන් කල්දමන ලදී.