ඉක්වදෝරය සහ පේරු රාජ්‍යය අතර බදාදා (23 වැනිදා) පැවැති තරගය ගෝල 2-2 ක් ලෙස ජය පැරදුමෙන් තොරව අවසන් විය. එම තරගයේ 23 වැනි විනාඩියේදී පේරු කණ්ඩායමේ රෙනාටෝ ටපියා අත්වැරදීමකින් තම දැල වෙතටම පන්දුව යොමු කිරීම නිසා ඉක්වදෝරයට ගෝලයක් හිමිවිය.
පළමු අර්ධය නිමාවීමට ඔන්න මෙන්න කියා තිබියදී එනම් 45 වැනි විනාඩියේදී ඉක්වදෝරය වෙනුවෙන් තවත් ගෝලයක් ලබාගැනීමට අයර්ටන් ප්‍රෙසියාඩෝ සමත් වීමත් සමග ගෝල 2-0 ක් ලෙස ඉක්වදෝරයට පෙරමු‍ණ ගෙන දෙමින් තරගයේ පළමු අර්ධය නිමාවට පත් විය.
කෙසේ වුවත් දෙවැනි අර්ධය ආරම්භ වී විනාඩි 4 ක් සහ 9 ක් ගතවන විට එනම් තරගයේ 49 වැනි සහ 54 වැනි විනාඩිවලදී පේරු රාජ්‍යය වෙනුවෙන් ගෝල දෙකක් ලබාගත් ගියන්ලූකා ලපඩුලා සහ ඇන්ඩ්‍රි කාරි‍ලෝ ගෝල 2-2 ක් ලෙස තරගය ජය පැරදුමෙන් තොරව අවසන් කර ගැනීම සඳහා සිය කණ්ඩායමට අවස්ථාව උදා කර දුන්හ.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
