Reply To:
Eranda - cb chds hcdsh cdshcsdchdhd
යූරෝ 2020 පාපන්දු තරගාවලියේ ‘ඒ’ කාණ්ඩය යටතේ ඊයේ (20 වැනිදා) සිය අවසන් මූලික වටයේ තරගයට සහභාගී වූ ඉතාලිය, එහිදි වේල්සයට එරෙහිව ගෝල 1-0 ක ජයක් වාර්තා කරමින් අපරාජිතව අවසන් 16 දෙනාගේ වටයට පිවිසීමේ අවස්ථාව උදාකර ගත්තේය.
මෙම තරගයට පෙර සිටම අවසන් 16 දෙනාගේ වටයට සුදුසුකම් ලබා සිටි ඉතාලිය වෙනස්කම් 8 ක් සමගින් මෙම තරගයට සහභාගි වූ අතර තරගයේ 39 වැනි විනාඩියේදී මාකෝ වරාටිගේ සහයෝගයෙන් මෙටේයෝ පෙසීනා, ඉතාලිය වෙනුවෙන් ජයග්රාහී ගෝලය වාර්තා කළේය.
පෙසීනාගේ ගෝලයත් සමග ගෝල 1-0 ක් ලෙස ඉතාලියට පෙරමුණ ගෙන දෙමින් පළමු අර්ධය නිමාවට පත් වූ අතර දෙවැනි අර්ධයේදී දෙපිලම ගෝල ලබාගැනීමට අසමත් වීම නිසා තරගයේ ජය ඉතාලියට හිමිවිය.
තරගයේ 55 වැනි විනාඩියේදී ඊතන් අම්පාඩු රතු කාඩ්පතක් ලබා පිටියෙන් ඉවත්ව යෑම නිසා එතැන් පටන් වේල්සයට ක්රීඩකයයන් 10 දෙනකුගෙන් ක්රීඩා කිරීමට සිදුවිය. මෙම තරගයෙන් පරාජයට පත්වුවද, ‘ඒ’ කාණ්ඩයේ දෙවැනි ස්ථානයට පත්වීම නිසා වේල්සයටද අවසන් 16 දෙනා අතරට එක්වීමට හැකිවිය.
මේ මස 26 වැනිදා පැවැත්වෙන අවසන් 16 දෙනාගේ වටයේ තරගවලදී ‘සී’ කාණ්ඩයේ දෙවැනි ස්ථානය හිමිකරගන්නා කණ්ඩායමට එරෙහිව ඉතාලියත්, ‘බී’ කාණ්ඩයේ දෙවැනි ස්ථානය හිමිකරගන්නා කණ්ඩායමට එරෙහිව වේල්සයත් තරග බිමට පිවිසීමට නියමිතය. එම තරගවල ප්රතිඵලයන්ට අනුව ඔවුන්ගේ ඉදිරි ගමන තීරණය වනු ඇත.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.