Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Football ගැරත්ගේ එංගලන්ත පිල ජර්මනිය හමුවට

ගැරත්ගේ එංගලන්ත පිල ජර්මනිය හමුවට

editorial - 2021 ජුනි මස 24 {{hitsCtrl.values.hits}} Views 0 Comment
A A A

 හංගේරියාවට එරෙහිව ඊයේ (23 වැනිදා) පැවැති ‘එෆ්’ කාණ්ඩයේ මූලිකට වටයේ තරගය ගෝල 2-2 ක් ලෙස ජය පැරදුමෙන් තොරව අවසන් කරගත් ජර්මනිය, යූරෝ 2020 පාපන්දු තරගාවලියේ අවසන් 16 දෙනාගේ වටයේ ස්ථානයක් හිමිකර ගත්තේය. ඒ අනුව මේ මස 29 වැනිදා පිළිමළුන් පිටුදැකීමේ වටයේදී පුහුණුකරු ගැරත් සවුත්ගේට්ගේ එංගලන්ත පිලට එරෙහිව ජර්මනිය තරග බිමට පිවිසෙනු ඇත.

හංගේරියාවේ බුඩාපේස්ට්හි පැවැති මෙම තරගය සමවීම හේතුවෙන් ප්‍රංශය හා පෘතුගාලය මඟහැරීමට එංගලන්තයට හැකිවිය. එහෙත් ජර්මනිය යනු සුළුපටු කණ්ඩායමක් නොවේ.

මෙම තරගයට පෙර ‘එෆ්’ කාණ්ඩයේ දෙවැනි ස්ථානයේ පසුවූ ජර්මනිය, මෙම තරගය ජය පරායෙන් තොරව අවසන් වීමත් සමග සිය ස්ථානය රැක ගනිමින් අවසන් 16 දෙනාගේ වටයට සුදුසුකම් ලබාගත්තේය. මින් පෙර පැවැති මූලික වටයේ තරගවලදී ගෝල 4-2 ක් ලෙස පෘතුගාලය පරාජය කළ ජර්මනිය, තවත් ප්‍රබල කණ්ඩායමක් වන ප්‍රංශය හමුවේ ගෝල 1-0 ක් ලෙස පරාජයට පත් විය.

ජර්මනියට එරෙහි තරගයේ 11 වැනි විනාඩියේදී රෝලන්ඩ් සාලයිගේ පන්දු යොමුකිරීමක් හමුවේ ගෝලයක් ලබාගත් ඇඩම් සාලයි හංගේරියාවට සාර්ථක ආරම්භයක් ලබාදුන්නේය. ජර්මනි ක්‍රීඩයකයන් පළමු අර්ධයේදී ගෝල ලබාගැනීමට අසමත් වූ බැවින් ඇඩම්ගේ ගෝලයත් සමග ගෝල 1-0 ක් ලෙස හංගේරියාවට පෙරමුණ ගෙන දෙමින් පළමු අර්ධය නිමාවට පත් විය.  

මැට් හමල්ස්ගේ සහයෝගයෙන් 66 වැනි විනාඩියේදී ජර්මනිය වෙනුවෙන් ගෝලයක් ලබාගත් කයි හැවර්ට්ස් තරගය 1-1 ක් ලෙස සම තත්ත්වයට පත්කළේය. එහෙත් එතැන් පටන් තවත් විනාඩි 2 ක් ගතවන විට (68 වැනි විනාඩියේදී) ඇඩම් සාලයිගේ ස‍හයෝගයෙන් ගෝලයක් ලබාගත් ඇන්ඩ්‍රාස් ෂේෆර් ගෝල 2-1 ක් ලෙස නැවතත් හංගේරියාව පෙරමුණ‍ට ගෙන ආවේය.

කෙ‍ෙස් වුවත් තරගය නිමාවීමට විනාඩි 6 ක් ඉතිරිව තිබියදී එනම් 84 වැනි විනාඩියේදී ගෝලයක් ලබාගත් අතිරේක ක්‍රීඩක ලියොන් ගෝරෙට්ස්කා, ගෝල 2-2 ක් ලෙස තරගය ජර පැරදුමෙන් තොරව අවසන් කරගනිමින් අවසන් 16 දෙනාගේ වටයට සුදුසුකම් ලබාගැනීම සඳහා ජර්මනියට දොර විවර කර දුන්නේය.

මෙම තරගය ජය පැරදුමෙන් තොරව අවසන් වීමත් සමග හංගේරියාවට අවසන් 16 දෙනාගේ වටයට සුදුසුකම් නොලබාම තරගාවලියෙන් ඉවත්වීමට සිදුවිය. මූලික වටයේදී සහභාගි වූ සෙසු තරගවලදී පෘතුගාලය හමුවේ ගෝල 3-0 ක් ලෙස පරාජයට පත්වූ හංගේරියාව, ප්‍රංශයට එරෙහිව පැවැති තරගය ගෝල 1-1 ක් ලෙස ජය පැරදුමකින් තොරව අවසන් කරගත්තේය.

එංගලන්ත පුහුණුකරු ගැරත් සවුත්ගේට්...

-036

 


අදහස් (0)

ගැරත්ගේ එංගලන්ත පිල ජර්මනිය හමුවට

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.