Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Football චෙල්සි ක්‍රීඩකයෝ ශූරයන්ගේ ලීගය දිනති

චෙල්සි ක්‍රීඩකයෝ ශූරයන්ගේ ලීගය දිනති

editorial - 2021 මැයි මස 30 {{hitsCtrl.values.hits}} Views 0 Comment
A A A


යුරෝපීය පාපන්දු සංගම‍ය සංවිධානය කළ 2021 ශූරයන්ගේ ලීග පාපන්දු තරගාවලියේ ශූරතාව දිනාගැනීමට චෙල්සි ක්‍රීඩා සමාජය සමත් විය. පෘතුගාලයේ පෝටෝ නුවරදී සෙනසුරාදා  පැවැති අවසන් මහ තරගයේදී ගෝල 1-0 ක් ලෙස මැන්චෙස්ටර් සිටි කණ්ඩායම පරාජය කරමින් චෙල්සි කණ්ඩායම එම ශූරතාව දිනාගත් අතර ඔවුන් ඊට හිමිකම් කී දෙවැනි අවස්ථාව ලෙස එය සටහන් වේ.

තරමක මන්දගාමී ආරම්භයකට පසුව පළමු අර්ධය නිමාවීමට පෙර විනාඩි 3 කට පෙර එනම් 42 වැනි විනාඩියේදී කයි හැවර්ට්‍ස් විසින් ලබාගන්නා ලද ගෝල තරගයේ එකම ගෝලය මෙන්ම ජයග්‍රාහී ගෝලය බවටද පත්විය. මේසන් ‍මවුන්ගේ පන්දු යොමුකිරීමක් හමුවේ හැවර්ට්‍ස් එම ගෝලය ලබාගත් අතර එය වලක්වාලීමට මැන්චෙස්ටර් කණ්ඩායමේ ‍දැල රකින්නා ලෙස කටයුතු කළ එඩර්සන් සැන්ටානා අසමත් විය.

තරගාවලියේ මූලික වටයේදී ‘ඊ’ කාණ්ඩය යටතේ තරග වැදුණ චෙල්සි කණ්ඩායම එහිදී මුහුණදුන් තරග 6 න් 4 ක් ජයගෙන, 2 ක් ජය පැරදුමෙන් තොරව අවසන් කරගනිමින් එම කාණ්ඩයේ ශූරයන් ලෙස පෙර අර්ධ අවසන් පූර්ව වටයට පිවිසියේය.

පෙර අර්ධ අවසන් පූර්ව වටයයේදී ‍ඇට්ලෙටිකෝ මැඩ්රිඩ් කණ්ඩායමත්, අර්ධ අවසන් පූර්ව වටයේදී පෝටෝ කණ්ඩායමත් පරාජය කළ චෙල්සි ක්‍රීඩකයෝ අවසන් මහ තරගයට සුදුසුකම් ලබාගත්තේ රියල් මැඩ්රිඩ් කණ්ඩායම පරාජය කරමිනි.

‘සී’ කාණ්ඩය යටතේ තරගාවලියට එක්වූ මැන්චෙස්ටර් සිටි කණ්ඩායම මූලික වටයේදී මුහුණදුන් තරග 6 න් 5 ක් ජයගෙන, එක් තරගයක් ජය පැරදුමෙන් තොරව අවසන් කරගනිමින් එම කාණ්ඩයේ ශූරයන් ලෙස පෙර අර්ධ අවසන් පූර්ව වටයට පිවිසියේය.

පෙර අර්ධ අවසන් පූර්ව වටයයේදී ‍මොන්චෙන්ග්ලැඩ්බැච් කණ්ඩායමත්, අර්ධ අවසන් පූර්ව වටයේදී ඩෝමන්ඩ් කණ්ඩායමත් පරාජය කළ මැන්චෙස්ටර් සිටි ක්‍රීඩකයෝ අවසන් පූර්ව වටයේදී පී.එස්.ජී. කණ්ඩායම පරාජය කරමින් අවසන් මහ තරගයට සුදුසුකම් ලබාගත්තේය.

 

- 036


අදහස් (0)

චෙල්සි ක්‍රීඩකයෝ ශූරයන්ගේ ලීගය දිනති

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.