Reply To:
Eranda - cb chds hcdsh cdshcsdchdhd
(නාමල් පතිරගේ)
ලබන වසරේදී පැවැත්වෙන ආසියානු කුසලාන පාපන්දු තරගාවලියට සුදුසුකම් ලබාගැනීමේ (තෙවැනි) අවසන් තේරීම් තරග වටයට සූදානමින් ජාතික පාපන්දු සංචිතයේ පුහුණුවීම් මෙම 25 වැනිදා සිට ආරම්භ කිරීමට ශ්රී ලංකා පාපන්දු ආයතනය සැරසේ. ඒ බැද්දගාන ජාතික පාපන්දු පුහුණු මධ්යස්ථාන පිටියේදීය.
ඒ සඳහා සංචිතයේ කල්ගෙවූ ක්රීඩකයන් මෙන්ම නවක ක්රීඩකයන් පිරිසක්ද කැඳවීම් ලබා සිටින අතර ශ්රී ලංකා පාපන්දු ආයතනය හඳුන්වාදුන් අන්තර් පළාත් තරගාවලියෙන් තෝරාගත් ක්රීඩකයන් 17 දෙනෙකුද කැඳවීම් ලබා සිටිති.
ආසියානු කුසලාන සුදුසුකම් තෙවැනි වටයේ ශ්රී ලංකා සහභාගි වන තරග දෙකක් ලබන ජුනි 8 වැනිදා සිට උස්බෙකිස්ථානයේදී පැවැත්වීමට නියමිතය. ඒ සී කාණ්ඩය යටතේය.
ආසියානු කුසලාන තෙවැනි වටය සඳහා රටවල් 30 ක් කාණ්ඩ හයක් යටතේ තරග වදිති. ඒ සඳහා උස්බෙකිස්ථානය ඇතුළු රටවල් හයක් සත්කාරය දරති. මෙම තරග වටයට ශ්රී ලංකාව නිර්දේශ ලබා ඇත්තේ ලෝක කුසලාන (2022) සුදුසුකම් තරග වටයේ ලබාගත් ප්රතිඵලයන්ට අනුව සිව්වැනි ස්ථානයට කාණ්ඩවුණු රටවල නාමලේඛනය යටතේය.
ලෝක කුසලාන සුදුසුකම් තේරීමේ තරග, ආසියානු කුසලාන සුදුසුකම් තේරීමේ තරග වට සඳහාද කෙළින්ම යොදා ගැනේ.
ආසියානු කුසලාන (2023) තරගාවලියේ අවසන් වටය සඳහා දැනටමත් රටවල් 12 ක් සුදුසුකම් ලබා සිටිති. ඉතිරි රටවල් 11 ක් තෝරා ගැනීම සඳහා තෙවැනි (අවසන්) තරග වටය කැඳවා තිබේ. අවසන් වටයට ක්රීඩා කරන රටවල් 24 න් චීනය ඒ සඳහා කෙළින්ම නිර්දේශ ලබා ඇත්තේ සත්කාරක රාජ්යය ලෙසිනි.
වසර 2023 ආසියානු කුසලාන තරගාවලියේ විශේෂත්වයක් වන්නේ තරඟ ක්රමයේ වෙනසක් සිදු කිරීමයි. එහිදී මුල් වට පරාජිතයන් සඳහා නැවත උත්සාහ කිරීමේ වටයක් හඳුන්වාදී තිබේ. ශ්රී ලංකාව මෙම තෙවැනි වටයේ අවස්ථාවක් උදාවී ඇත්තේ ඒ අනුවයි.
සත්කාරක චීනය හැරෙන්නට ඉරානය, දකුණු කොරියාව, එක්සත් අරාබි එමීර් රාජ්යය, ඉරාකය, සිරියාව, ලෙබනනය, සෞදි අරාබිය, ජපානය, ඕස්ට්රේලියාව, ඕමානය, වියට්නාමය 2023 ආසියානු කුසලාන අවසන් වටයේ නිර්දේශ දැනටමත් තහවුරු කරගෙන සිටින රාජ්යයන් වෙති.
ශ්රී ලංකාවට ආසියානු කුසලාන තෙවැනි වටයේදී මුණගැසෙන උස්බෙකිස්ථානය, තායිලන්තය හා මාලදිවයින පසුගිය මාර්තු 31 වැනිදා සිදුකළ අළුත්ම ලෝක පාපන්දු ශ්රේණිගත කිරීම් අනුව පිළිවෙලින් 83 – 111 – 156 වැනි ස්ථානවල සිටිති.
ආසියානු ශ්රේණිගත කිරීම් අනුව එම රටවලට පිළිවෙළින් 11 – 21 – 31 යන ස්ථාන හිමිව තිබේ.
ශ්රී ලංකාව දැන් ලෝක ශ්රේණිගත කිරීම් අනුව 205 වැනි ස්ථානයත් ආසියානු ශ්රේණිගත කිරීම් අනුව 45 වැනි ස්ථානයේත් පසුවේ. ගුවාම් රාජ්යය ආසියානු ශ්රේණිගත කිරීම් හි අවසන් (46 වෙනි) ස්ථානයේ පසුවේ.
ආසියානු කුසලාන පාපන්දු තරගාවලිය 2023 ජුනි 16 සිට ජූලි 16 වැනිදා දක්වා චීනයේ බෙයිජින් නුවර ඇතුළුව නැගෙනහිර හා මධ්යම චීනයේ තවත් නගර 10 කදී පැවැත්වීමට නියමිතය.
ආසියානු කුසලාන සුදුසුකම් ලබාගැනීමේ තෙවැනි වටයේදී ශ්රී ලංකාව තරග වදින ආකාරය (උස්බකිස්ථානයේ නාමන්ගන් නුවරදී )
ජුනි 8 – උස්බෙකිස්ථානයට එරෙහිව
ජුනි 11 – තායිලන්තයට එරෙහිව
ජුනි 14 – මාලදිවයිනට එරෙහිව
K.K. Sarath anthoney Monday, 02 May 2022 03:22 PM
කාණ්ඩ 3ක් යටතේ සකස් කළ යුතුයි. ජපන්, චීන, කොරියන් පුහුණුකරුවන් යටතේ පුහුණුවීම් සිදුකළ යුතුයි.
Reply 0 0
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.