ශී‍්‍ර ලංකා පාපන්දු සම්මේලනයේ නව සභාපතිවරයා වශයෙන් අනුර ද සිල්වා මහතා තේරී පත්විය. කොළඹ පදනම් ආයතනයේදී අද (23 වැනිදා) පැවැති නිලවරණයේදී වැඩි ඡන්ද 33 කින් රූමි පකීර් අලි මහතා පරාජය කළ අනුර ද සිල්වා මහතා ශී‍්‍ර ලංකා පාපන්දු සම්මේලනයේ සභාපතිවරයා ලෙසින් පත්විය.
අනුර ද සිල්වා මහතා ශී‍්‍ර ලංකා පාපන්දු කණ්ඩායමේ හිටපු නායකයකු වන අතර පාපන්දු සම්මේලනයේ හිටපු විධායක සභිකයෙකි. රූමි පකීර් අලි මහතා ශී‍්‍ර ලංකා පාපන්දු කණ්ඩායමේ හිටපු දැළ රකින්නාය. අද පැවැති නිලවරණයේදී අනුර ද සිල්වා මහතාට ඡන්ද 88 ක් ලැබුණු අතර රූමි පකීර් අලි මහතාට ඡන්ද 50 ක් ලැබිණ.
ලේකම් තනතුර සඳහා ක්ලෙමන්ට් ද සිල්වා මහතා (53) සමග තරග කළ බාලේන්ද්‍ර ඇන්ටනි (84) මහතා වැඩි ඡන්ද 31 කින් එම තනතුර සඳහා තේරී පත්විය.
මෙම නිලවරණයේදී තේරී පත්වූ සෙසු නිලධාරීන් මෙසේය.
උපසභාපතිවරු : කේ. පී. පී. පතිරණ, ධම්මික කාරියවසම්, නලින් ද සිල්වා, ඊ. ඇන්තනිපිල්ලේ සහ රොබට් පීරිස් යන මහත්වරු
භාණ්ඩාගාරික : එම්, ෆස්ලාන් මහතා.
උප භාණ්ඩාගාරික : සාගර පියතිලක මහතා.
උප ලේකම්වරු : යූ. එල්. ජස්වර් සහ එම්. ෆායිස් යන මහත්වරු
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
