(නාමල් පතිරගේ)
මැන්චෙස්ටර් පාපන්දු ඇකඩමිය සංවිධානය කරන ශ්‍රී ලංකා පාපන්දු ආයතන සභාපති කුසලාන යොවුන් පාපන්දු ලීග් තරගාවලිය සදුදා (13) කෝට්ටේ බැද්දගාන පාපන්දු පිටියේදී ආරම්භ වේ.ඒ සදහා පාපන්දු ආයතනයේ අනුමත ඇකඩැමි කණ්ඩායම් හයක් සහභාගි වේ.
ඒ සත්කාරක මැන්චෙස්ටර් ඇකඩමි කණ්ඩායම ඇතුළුව කොළඹ ලීග,සෝන්ඩර්ස්, ජාවාලේන්, බාසිලෝනා හා කොළඹ යූත් යන ඇකඩමි යන කණ්ඩායම් සහභාගි වෙති. මෙම තරගාවලියේ අවසන් වටයේ තරග රීඩ් මාවත ක්‍රීඩා සංකීර්ණයේදී පැවැත්වේ.
ලබන පෙබරවාරී 23 වැනිදා දක්වා තරගාවලිය පැවැත්වේ.
මෙම තරගාවලිය පිළිබදව පාපන්දු නිවසේදී පැවැති මාධ්‍ය හමුවේදී ශ්‍රී ලංකා පාපන්දු ආයතනයේ සභාපති ජස්වර් උමාර් මහතා පැවැසුවේ දේශීය පාපන්දු තරග ප්‍රවර්ධනයට මැන්චෙස්ටර් ඇකඩමි තරගාවලිය පිටුවහළක් වන බැවින් ඊට සහය දැක්වීමට ශ්‍රී ලංකා පාපන්දු ආයතනය තීරණය කළ බවයි.
මේ වන විට පාපන්දු ක්‍රීඩා ඇකඩමි (විද්‍යාතන) 120 කට ආසන්න ගණනක් පාපන්දු සම්මේලනයේ ලියාපදිංචි කර තිබේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
