Reply To:
Eranda - cb chds hcdsh cdshcsdchdhd
යූරෝ 2020 පාපන්දු තරගාවලියේ ‘එෆ්’ කාණ්ඩය යටතේ ප්රංශයට එරෙහිව බදාදා (23 වැනිදා) පැවැති මූලික වටයේ තරගයේදී එදා මෙදා තුර පාපන්දු ඉතිහාසයේ වැඩිම ජාත්යන්තර ගෝල ලාභියා ලෙස ඉරානයේ අලී ඩේයිගේ වාර්තාව සම කිරීමට පෘතුගාලයේ ක්රිස්ටියානෝ රොනාල්ඩෝ සමත් විය. කෙසේ වුවත් එම තරගයේදී පෘතුගාලය ජයග්රහණය කරා ගෙන යෑමට රොනාල්ඩෝට නොහැකි වූ අතර ගෝල 2-2 ක් ලෙස එය ජය පැරදුමකින් තොරව නිමාවට පත් විය.
මෙම තරගයට පෙර ප්රංශට ‘එෆ්’ කාණ්ඩයේ පෙරමුණේද, පෘතුගාලය එහි තෙවැනි ස්ථානයේද පසුවූ අතර මෙම තරගය ජය පැරදුමෙන් තොරව අවසන් වීම නිසා ඔවුන් එම ස්ථානවලම රැදී සිටිමින් අවසන් 16 දෙනාගේ වටයට සුදුසුකම් ලැබූහ.
‘ඒ’ කාණ්ඩයේ තෙවැනි ස්ථානයට පත්වූ ස්විට්සර්ලන්තයට එරෙහිව ප්රංශය මේ මස 28 වැනිදා තරග වදී.
‘බී’ කාණ්ඩයේ පෙරමුණ ගනිමින් අපරාජිතව සිටින බෙල්ජියමට එරෙහිව පෘතුගාලය 27 වැනිදා තරග බිමට පිවිසීමට නියමිතය.
ප්රංශයට එරෙහිව පැවැති තරගයේ 30 වැනි විනාඩියේදී දඬුවම් පහරක් සාර්ථක කරගත් රොනාල්ඩෝ පෘතුගාලයට සාර්ථක ආරම්භයක් ලබාදුන්නේය. එහෙත් පළමු අර්ධය නිමාවීමට ඔන්න මෙන්න කියා තිබියදී (45 වැනි විනාඩියේදී) ප්රංශයට හිමිවූ දඬුවම් පහරක් සාර්ථක කරගත් කරීම් බෙන්සෙමා ගෝල 1-1 ක් ලෙස තරගය සම තත්ත්වයට පත්කළේය.
ඉන් නොනැවතුන බෙන්සෙමා, දෙවැනි අර්ධය ආරම්භ වී විනාඩි 2 ක් ගතවන විට (47 වැනි විනාඩියේදී) පෝල් පෝග්බාගේ සහයෝගයෙන් තවත් ගෝලයක් ලබාගනිමින් ගෝල 2-1 ක් ලෙස ප්රංශය පෙරමුණට ගෙන ආවේය. කෙසේ වුවත් 60 වැනි විනාඩියේදී දෙවැනි වරටත් දඬුවම් පහරක් සාර්ථක කරගත් රොනාල්ඩෝ ගෝල 2-2 ක් ලෙස තරගය ජය පැරදුමෙන් තොරව අවසන් කරගැනීම සඳහා පෘතුගාලයට අවස්ථාව උදා කර දුන්නේය.
මෙම තරගයේදී රොනාල්ඩෝ ලබාගත් ගෝල 2 ඔහුගේ 108 වැනි සහ 109 වැනි ජාත්යන්තර ගෝල ලෙස සටහන් විය. ඒ අනුව ඔහු 1993 වසරේ සිට 2006 වසර දක්වා ගෝල 109 ක් ලබාගනිමින් ඉරානයේ අලී ඩේයි පිහිටුවා තිබූ වැඩිම ජාත්යන්තර ගෝල සංඛ්යාවේ වාර්තාව සම කිරීමට සමත් විය. පිළිමළුන් පිටුදැකීමේ වටයේදී බෙල්ජියමට එරෙහිව පැවැත්වෙන තරගයේදී ගෝලයක් ලබාගැනීමට රොනාල්ඩෝ සමත් වුවහොත් ඔහුට මෙම තරගාවලියේදීම අලීගේ වාර්තාව බිඳ දැමීමට හැකි වනු ඇත.
මූලික වටය යටතේ පැවැති සෙසු තරගවලදී ගෝල 1-0 කින් ජර්මනිය පරාජය කළ ප්රංශය, හංගේරියාවට එරහෙිව පැවැති තරගය ගෝල 1-1 ක් ලෙස ජය පැරදුමෙන් තොරව අවසන් කරගත්තේය. එහිදී හංගේරියාවට එරෙහිව ගෝල 3-0 ක් ලෙස ජය වාර්තා කළ පෘතුගාලය, ජර්මනිය හමුවේ ගෝල 4-2 ක් ලෙස පරාජයට පත්විය.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.