ස්පාඤ්‍ඤයේ පළමු පෙළ පාපන්දු ශූරතාවලිය වන ලා ලීගා පාපන්දු ලීගයේ ශූරතාව දිනාගැනීමට ඇට්ලෙටිකෝ මැඩ්රිඩ් ක්‍රීඩා සමාජය සමත් විය. මෙවර තරගවාරයේදී සහභාගි වූ තරග 38 න් 26 ක් ජයගෙන ප්‍රසාද ලකුණු 86 ක් ලබාගනිමින් ඔවුහු එම ශුරතාවට හිමිකම් කීහ.
ඇට්ලෙටිකෝ මැඩ්රිඩ් කණ්ඩායම ලා ලීගා ශූරතාව දිනාගත් 11 වැනි අවස්ථාව ලෙසද මෙය සටහන් විය.
මෙවර තරගාවලියේ ශූරතාව සඳහා ඇට්ලෙටිකෝ මැඩ්රිඩ් ක්‍රීඩා සමාජය සහ රියල් මැඩ්රිඩ් ක්‍රීඩා සමාජය අතර ඉතා තියුණු තරයගක් පැවැත්විණ. එහි ප්‍රතිඵලයක් ලෙස ශූරතාව දිනාගන්නා කණ්ඩායම කුමක්දැයි දැන ගැනීම සඳහා ක්‍රීඩාලෝලීන්ට තරගාවලියේ අවසන් දිනය දක්වාම බලා සිටීමට සිදුවිය.
ලා ලීගා ශූරතා 34 කට හිමිකම් කියා තිබූ රියල් මැඩ්රිඩ් කණ්ඩායමද අවසන් මොහොත දක්වාම උත්සාහය අත් නොහැරියේය.
අවසන් දිනයට පෙර ඇට්ලෙටිකෝ මැඩ්රිඩ් කණ්ඩායමට (ප්‍රසාද ලකුණු 84) වඩා රියල් මැඩ්රිඩ් කණ්ඩායම (ප්‍රසාද ලකුණු 82) ලකුණු 2 ක් පසුපසින් සිටි අතර ඒ වන විය රියල් මැඩ්රිඩ් කණ්ඩායම ජයග්‍රහණ 24 ක් ලබා සිටියේය. අවසන් දිනයේදී රියල් මැඩ්රිඩ් කණ්ඩායම වියරියාල් කණ්ඩායමට එරෙහිවද, ඇට්ලෙටිකෝ මැඩ්රිඩ් කණ්ඩායම වයඩොලිඩ් කණ්ඩායමට එරෙහිවද තරග වැදිණ.
එම තරගවලදී ගෝල 2-1 ක් ලෙස වයඩොලිඩ් කණ්ඩායම පරාජය කිරීමට ඇට්ලෙටිකෝ මැඩ්රිඩ් කණ්ඩායමත්, වියරියාල් කණ්ඩායම පරාජය කිරීමට රියල් මැඩ්රිඩ් කණ්ඩායමත් සමත් වූහ. ඒ අනුව කණ්ඩායම් දෙකටම තවත් ලකුණු 2 බැගින් හිමිවූ අතර ඇට්ලෙටිකෝ මැඩ්රිඩ් කණ්ඩායම ලකුණු 86 ක් ලබා මෙවර ශූරතාවට හිමිකම් කියද්දී, ලකුණු 84 ක් ලබාගත් රියල් මැඩ්රිඩ් කණ්ඩායමට අනු ශූරතාවයෙන් සෑහීමකට පත්වීමට සිදුවිය.
බාසිලෝනා ක්‍රීඩා සමාජය තරග 38 න් 24 ක් ජයගෙන ලකුණු 79 ක් ලබා මෙවර තරගාවලියේ තෙවැනි ස්ථානයට පත්වූ අතර සෙවිලා ක්‍රීඩා සමාජය එහි සිවුවැනි ස්ථානයට පත්වූයේ තරග 38 ක් 24 ක් ජයගෙන ලකුණු 77 ක් ලබා ගනිමිනි.
එම කණ්ඩායම් දෙකම ජයග්‍රහණ 24 බැගින් ලබා සිටියද, ජය පැරදුමකින් තොරව අවසන් කරගත් තරග ප්‍රමාණය අනුව ඔවුන්ගේ ලකුණු සංඛ්‍යාවන් වෙනස් විය.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
