Last Update  :  2025-04-05 19:07:00 About Contact
Follow Us -
IMG-LOGO
නිවස්න පිටුව Football වික්ටර් ස්වීඩනය දිනවයි

වික්ටර් ස්වීඩනය දිනවයි

editorial - 2021 ජුනි මස 24 {{hitsCtrl.values.hits}} Views 0 Comment
A A A

 ‘ඊ’ කාණ්ඩ‍ය යටතේ පෝලන්තයට එරෙහිව බදාදා (23 වැනිදා) පැවැති අතිශය තියුණු මූලික වටයේ තරගයෙන් ගෝල 3-2 ක ජයක් ලැබූ ස්විඩනය, එම කාණ්ඩයේ පෙරමුණ ගනිමින් යූරෝ 2020 පාපන්දු තරගාවලියේ අවසන් 16 දෙනා අතරට එක්වීමට අවස්ථාව උදා කරගත්තේය.‍ තරගයේ අතිරේක කාලයේදී එනම් 93 වැනි විනාඩියේදී වික්ටර් ක්ලේසන් ස්වීඩනය වෙනුවෙන් ජයග්‍රාහී ගෝල ලබාගත්තේය.

මෙම තරගයේදී ස්වීඩනය වෙනුවෙන් පිලිප් ෆෝස්බර්ග්ද, පෝලන්තය වෙනුවෙන් රොබට් ලෙවන්ඩොව්ස්කිද ගෝල ද්විත්වය බැගින් ලබාගත්හ. තරගය ආරම්භ වී විනාඩි 2 ක් ගතවනවාත් සමග ඇලෙක්සැන්ඩර් ඉසාක්ගේ සහයෝගයයෙන් ස්වීඩනය වෙනුවෙන් පළමු‍ ගෝලය ලබාගත් පිලිප්, සිය කණ්ඩායමට සාර්ථක ආරම්භයක් ලබාදුන්නේය. එම ගෝලයත් සමග පළමු අර්ධය නිමාවන විට ගෝල 1-0 ක් ලෙස පෙරමුණ ගැනීමට ස්වීඩනය සමත් වූ අතර දෙවැනි අර්ධය ආරම්භ වී විනාඩි 14 ක් ගතවන විට (59 වැනි විනාඩියේදී) ඩෙජාන් කුලුසෙව්ස්කිගේ සහයෝගයෙන් දෙවැනි ගෝලය ලබාගත් පිලිප් සිය කණ්ඩායම ගෝල 2-0 ක් ලෙස ඉදිරියට ගෙන ආවේය.

කෙසේ වුවත් 61 වැනි විනාඩියේදී පියොට්ර් සියිලස්කිගේ සහයෝගයෙන්ද, 84 වැනි විනාඩියේදී ප්‍රෙසෙමිස්ලෝ ෆ්‍රැන්කොව්ස්කිගේ සහයෝගයෙන්ද පෝලන්තය වෙනුවෙන් ගෝල ද්විත්වයක් ලබාගත් රොබට් තරගය ගෝල 2-2 ක් ලෙස සම තත්ත්වයට පත්කළේය. කෙ‍ෙස් වුවත් අවසන් මොහොතේදී වික්ටර් ක්ලේසන් ලබාගත් ගෝලයත් සමගින් ස්වීඩනයට ගෝල 3-2 ක ජයක් හිමිවිය.

මෙම තරගයේදී ලැබූ පරාජය හේතුවෙන් පෝලන්තයට තරගාවලියෙන් ඉවත් වීමට සිදුවිය. මූලික වටයේ සෙසු තරගවලදී ගෝල 1-0 කින් ස්ලෝවැකියාව පරාජය කරමින් ගෝල 0-0 ක් ලෙස ස්පාඤ්ඤය සමග සම වූ ස්වීඩනය, ‘සී’ කාණ්ඩයේ තෙවැනි ස්ථානය පත්වූ යුක්රේනයට එරෙහිව මේ මස 29 වැනිදා පිළිමළුන් පිටුදැකීමේ වටයේදී තරග බිමට පිවිසීමට නියමිතය.

-036


අදහස් (0)

වික්ටර් ස්වීඩනය දිනවයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.