Reply To:
Eranda - cb chds hcdsh cdshcsdchdhd
ස්ලෝවැකියාවට එරෙහිව බදාදා (23 වැනිදා) පැවැති ‘ඊ’ කාණ්ඩයේ මූලික වටයේ තරගයෙන් ගෝල 5-0 ක දැවැන්ත ජයක් ලැබූ ස්පාඤ්ඤය, අවසන් මොහොතේදී යූරෝ 2020 පාපන්දු තරගාවලියේ අවසන් 16 දෙනාගේ වටයේ ස්ථානයක් හිමිකර ගත්තේය. ඒ අනුව මේ මස 28 වැනිදා පැවැත්වෙන පිළිමළුන් පිටුදැකීමේ තරගයේදී ක්රොයේෂියාවට එරෙහිව ස්පාඤ්ඤය තරග බිමට පිවිසීමට නියමිතය.
ලෝක පාපන්දු ශ්රේණිගත කිරීම්හි 6 වැනි ස්ථානයේ පසුවන ස්පාඤ්ඤය, මෙවර යූරෝ පාපන්දු තරගාවලියේදී ලැබූ පළමු ජයග්රහණය මෙය වන අතර මින් පෙර මූලික වටය යටතේ පෝලන්තයට එරෙහිව පැවැති තරගය ගෝල 1-1 ක් ලෙසද, ස්වීඩනයට එරෙහිව පැවැති තරගය ගෝල 0-0 ක් ලෙසද ජය පැරදුමෙන් තොරව අවසන් කරගැනීමට ඔවුන්ට හැකිවිය.
ස්ලෝවැකියානු ක්රීඩක මාටින් ඩුබ්රාව්කා අත්වැරදීමකින් තම දැල තුළටම පන්දුව යොමු කිරීම නිසා 30 වැනි විනාඩියේදී ස්පාඤ්ඤයට පළමු ගෝලය හිමිවිය. පළමු අර්ධය නිමා වීමට පෙර 45 වැනි විනාඩියේදී ගෝලයක් ලබාගත් අයිමරික් ලැපෝර්ට් එම අර්ධය නිමාවන විට ගෝල 2-0 ක් ලෙස ස්පාඤ්ඤයට තරගයේ වැඩි වාසි අත්කර දුන්නේය.
දෙවැනි අර්ධය ආරම්භ වීමෙන් පසු තරගයේ 56 වැනි සහ 67 වැනි විනාඩිවලදී තවත් ගෝල 2 ක් ලබාගත් පබ්ලෝ සරබියා සහ ෆර්නෑන්ඩෝ ටෝරස් ගෝල 4-0 ක් ලෙස ස්පාඤ්ඤය ඉදිරියට ගෙන ගියහ. තරගය නිමාවීමට විනාඩි 19 ක් තිබියදී (71 වැනි විනාඩියේදී) ස්ලෝවැකියානු ක්රීඩක ජුරාජ් කුකා සිය දැල තුළටම පන්දුව යොමු කිරීම නිසා ස්පාඤ්ඤයට තවත් ගෝලයක් හිමිවිය.
මෙම තරගයේදී ස්පාඤ්ඤ ක්රීඩකයන් දෙදෙනෙක් සහ ස්ලෝවැකියා ක්රීඩකයන් දෙදෙනෙක් කහ පැහැති කාඩ්පත් ලැබූ අතර තරගයේ 12 වැනි විනාඩියේදී ස්පාඤ්ඤයට හිමිවූ දඬුවම් පහරක් සාර්ථක කරගැනීමට ඇල්වාරෝ මොරාටා අපොහොසත් විය.
මෙම තරගයට පෙර ‘ඊ’ කාණ්ඩයේ දෙවැනි ස්ථානයේ පසුවූ ස්ලෝවැකියාවට මෙම තරගයේදී ලැබූ දැවැන්ත පරාජය හමුවේ අවසන් 16 දෙනාගේ වටයට සුදුසුකම් නොලබාම මෙවර තරගාවලියෙන් ඉවත්වීමට සිදුවිය. මින් පෙර පැවැති තරගවලදී පෝලන්තයට එරෙහිව ගෝල 2-1 ක ජයක් වාර්තා කළ ස්ලෝවැකියාව, ස්වීඩනය හමුවේ ගෝල 1-0 ක් ලෙස පරාජයට පත්විය.
-036
ඔබේ අදහස් එවන්න.
ඔබේ අදහස් සිංහලෙන්, ඉංග්රීසියෙන් හෝ සිංහල ශබ්ද ඉංග්රීසි අකුරෙන් ලියා එවන්න.