එංගලන්තයට එරෙහිව පැවැති එක්දින තරගාවලියේ අවසන් තරගයේදී ලබාගත් කඩුලූ 6 ක විශිෂ්ට ජයත් සමගින් එක්දින අන්තර්ජාතික කි‍්‍රකට් ශ්‍රේණිගත කිරීම් අතරේ දෙවැනි ස්ථානය දක්වා පියවරක් ඉහළට නැගීමට ශී‍්‍ර ලංකා කණ්ඩායම ඊයේ සමත් විය.
තරගාවලිය ආරම්භ වීමට පෙර, මැයි මස 20 වැනිදා පැවැති ශ්‍රේණිගත කිරීම් අනුව ශ්‍රේණිගත ලකුණු 111 ක් ලබා ඒ වන විට 3 වැනි ස්ථානයේ සිටි ඇන්ජලෝ මැතිව්ස් සහ පිරිවර ඊයේ (3 වැනිදා) බර්මින්හැම්හිදී ලබාගත් ජයග‍්‍රහණයත් සමගින් ශ්‍රේණිගත ලක--ුණු 112 ක් ලබා දෙවැනි ස්ථානය ගෙන ඇත. ඔවුන්ට වඩා ඉදිරියෙන් සිටින්නේ ශ්‍රේණිගත ලකුණු 115 ක් හිමිකරගෙන සිටින ඕස්ටේ‍්‍රලියානු කණ්ඩායමයි.
මැයි 20 වැනිදා වන විටත් දෙවැනි ස්ථානයේ සිටි ඉන්දියාව (ශ්‍රේණිගත ලකුණු 112) තුන්වැනි ස්ථානය දක්වා වැටී ඇත්තේ තුන්වැනි දශම ස්ථානය දක්වා ගනණය කිරීමේදී ඇතිවන වෙනස අනුවය.
ශී‍්‍ර ලංකාව සහ එංගලන්තය අතර එක්දින තරගාවලිය ආරම්භ වීමට පෙර එක්දින ශ්‍රේණිගත කිරීම් අතරේ 4 වැනි ස්ථානයේ සිටි එංගලන්තය (ශ්‍රේණිගත ලකුණු 110), ශී‍්‍ර ලංකාව හමුවේ තරගාවලිය පරාජය වීමත් සමගින් පස්වැනි ස්ථානය දක්වා ඇදවැටී තිබේ.
එක්දින ක්‍රිකට් හිණිපෙත - 2014 ජූනි 04 වැනිදා වන විට
| ශ්‍රේණිය | කණ්ඩායම | තරග | ප්‍රසාද ලකුණු | ශ්‍රේණිගතලකුණු |
| 1 | ඕස්ට්‍රේලියාව | 35 | 4020 | 115 |
| 2 | ශ්‍රී ලංකාව | 59 | 6613 | 112 |
| 3 | ඉන්දියාව | 53 | 5923 | 112 |
| 4 | දකුණු අප්‍රිකාව | 32 | 3486 | 109 |
| 5 | එංගලන්තය | 41 | 4450 | 109 |
| 6 | පාකිස්තානය | 47 | 4716 | 100 |
| 7 | නවසීලන්තය | 31 | 3031 | 98 |
| 8 | බටහිර ඉන්දීය කොදෙව් | 40 | 3744 | 94 |
| 9 | බංග්ලාදේශය | 23 | 1683 | 73 |
| 10 | සිම්බාබ්වේ | 20 | 1228 | 61 |
| 11 | ඇෆ්ගනිස්ථානය | 9 | 304 | 34 |
| 12 | අයර්ලන්තය | 9 | 297 | 33 |
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
