ලොව උසම වේග පන්දු යවන්නා එයි

ජාත්‍යන්තර ක‍්‍රිකට් පිටියේ ලොව උසම වේග පන්දු යවන්නා ලෙස හැදින්වෙන මොහොමඞ් ඉර්ෆාන් ශ‍්‍රී ලංකාව සමග පැවැත්වෙන එක්දින තරගාවලිය සඳහා පකිස්තාන් සංචිතයට කැඳවීමට එරට ක‍්‍රිකට් තේරීම් කමිටුව පියවර ගෙන තිබේ.  

ශ‍්‍රී ලංකාව සමග පැවැති ටෙස්ට් තරගාවලියේදී පකිස්තානු පිලේ ප‍්‍රධාන වේග පන්දු යවන්නකු වන ජුනයිඞ් ඛාන්ගේ හිසට පන්දුව වැදීමෙන් ඇතිවූ අපහසුතාව නිසා මොහොමඞ් ඉර්ෆාන් කැඳවා තිබේ. ඉර්ෆාන් අඩි හතයි අගල් 1 ක් උසැති ක‍්‍රීඩකයකු වන අතර ඔහු මේ වන 32 හැවිරිදි වියේ පසුවේ.

පකිස්තානය වෙනුවෙන් එක්දින තරග 27 කදී කඩුලූ 39 ක් සහ ටෙස්ට් තරග හතරකදී කඩුලූ 10 ක් බිද දැමීමට ඉර්ෆාන් සමත්ව තිබේ.

- 033