ත‍්‍රිත්ව විදුහල ඞී. එස්. පරදවයි

ශ්‍රී ලංකා පාසල් රග්බි සංගමය සහ නෙස්ලේ ලංකා සමාගම (මයිලෝ) එක්ව සංවිධානය කරන අන්තර් පාසල් වයස 20 න් පහළ ‘ජනාධිපති කුසලාන’ පිළිමළුන් පිටු දැකීමේ රග්බි තරගාවලියේ කොළඹ රාජකීය විදුහල් රග්බි පිටියේදී අද (29) පැවැති අර්ධ අවසන් පූර්ව තරගයේදී මහනුවර ත‍්‍රිත්ව විදුහල ලකුණු 41-14 කින් කොළඹ ඞී. එස්. සේනානායක විදුහල පරාජය කිරීමට සමත් විය.
 
ත‍්‍රිත්ව විදුහල සහ ඉසිපතන විදුහල අතර අවසන් පූර්ව තරගය මේ මස 5 වැනිදා කොළඹ රාජකීය විදුහල් රග්බි පිටියේදී පැවැත්වීමට නියමිතය.

ත‍්‍රිත්ව විදුහල පළමු අර්ධය අවසන් වන විට ලකුණු 19-7 ක් ලෙස පෙරමුණ ගැනීමට සමත් විය.

ජයග‍්‍රාහි ත‍්‍රිත්ව විදුහල ගෝල 4 කින්, උත්සාහක දිනුම් 2 කින් සහ දඩුවම් පහරකින් ලකුණු ලැබූ අතර ඞී. එස්. සේනානායක විදුහල ගෝල 2 කින් ලකුණු ලැබීය.