(ශානුක අරවින්ද)
සිවුදින තරග දෙකකින් සහ එක්දින තරග 3 කින් සමන්විත තරග සංචාරයක නිරත වීම සඳහා ශ්‍රී ලංකා ‘ඒ’ කණ්ඩායම නොවැම්බර් මස 6 වැනිදා පාකිස්තානය බලා පිටත්ව යනු ඇත.
පෙරේදා (27 වැනිදා) නිමාවට පත්වූ ආසියානු නැගී එන කණ්ඩායම් ආසියානු කුසලාන තරගාවලියේ අනු ශූරයන් බවට පත් වූ ශ්‍රී ලංකා ‘ඒ’ කණ්ඩායම එම තරගාවලියෙන් අනතුරුව සහභාගි වන පළමු තරගාවලිය මෙය වේ.
නොවැම්බර් මස 11 වැනිදා සිට 14 වැනිදා පළමු සිවුදින තරගයට ක්‍රීඩා කරන ශ්‍රී ලංකා ‘ඒ’ කණ්ඩායම, එම මස 18 වැනිදා සිට 21 වැනිදා දක්වා දෙවැනි සිවුදින තරගයට ක්‍රීඩා කරනු ඇත.
සිවුදින තරගාවලියෙන් අනතුරුව නොවැම්බර් 25, 27 සහ 29 යන දිනවලදී ශ්‍රී ලංකා ‘ඒ’ කණ්ඩායම සහ පාකිස්තාන ‘ඒ’ කණ්ඩායම අතර එක්දින තරගාවලිය පැවැත්වේ. මෙම සියලුම තරග පැවැත්වෙන්නේ ඉස්ලාමාබාද් ක්‍රීඩා සමාජ ක්‍රීඩාංගණයේදීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
