Last Update  :  2025-04-02 12:40:00 About Contact
Follow Us -
IMG-LOGO
නිවස්න පිටුව International ජෙෆ් ඇලර්ඩිස්ට තනතුර හිමිවෙයි

ජෙෆ් ඇලර්ඩිස්ට තනතුර හිමිවෙයි

editorial - 2021 නොවැ මස 23 {{hitsCtrl.values.hits}} Views 0 Comment
A A A

තාවකාලීක පදනම මත මාස අටක කාලයක් ප‍්‍රධාන විධායක නිලධාරියා ලෙස කටයුතු කළ ජෙෆ් ඇලර්ඩිස් මහතාගේ සේවය ස්ථීර කිරීමට අන්තර්ජාතික ක‍්‍රිකට් සභාව පියවර ගෙන තිබේ.  පසුගිය මාර්තු මාසයේදී තාවකාලිකය මෙම ධූරයට පත්වූ ඇලර්ඩිස් මහතා, ඔහු භාරගත් කාර්යභාරය දිගටම කරගෙන යනු ඇති බව අන්තර්ජාතික කි‍්‍රකට් සභාව පසුගියදා නිවේදනය කළේය.

අන්තර්ජාතික ක‍්‍රිකට් සභාවේ සභාපති ග්‍රෙග් බාක්ලේ මහතා වෙත සිය කෘතඥතාව පළ කරමින් ඇලර්ඩිස් මහතා ස්ථිර පත්වීම පිළිබඳව සිය සතුට ප‍්‍රකාශ කළේය.

”අයි.සී.සී ප‍්‍රධාන විධායක නිලධාරියා ලෙස පත්වීමට ලැබීම මහත් වරප‍්‍රසාදයක් වන අතර, ක‍්‍රීඩාව වර්ධනය කරමින් නව අදියරකට පිවිසීමේදී ක‍්‍රීඩාවට නායකත්වය දීමට අවස්ථාව ලබා දීම ගැන මම ග්‍රෙග් මහතාට සහ අධ්‍යක්‍ෂ මණ්ඩලයට ස්තූති කිරීමට කැමතියි’’

”මගේ අඛණ්ඩ අවධානය වන්නේ අපගේ ක‍්‍රීඩාව සඳහා නිවැරදි දේ කිරීමටයි. දිගුකාලීන සාර්ථකත්වය මෙන්ම තිරසාරභාවය ලබා දීම සඳහා සාමාජිකයින් සමඟ සමීපව කටයුතු කිරීම කෙරෙහි මා අවධානය යොමු කරනවා. පසුගිය මාස 8 තුළ අන්තර්ජාතික කි‍්‍රකට් සභාවේ කාර්ය මණ්ඩලය දැක්වූ කැපවීම සහ සහයෝගය වෙනුවෙන් මම ඔවුන්ට ස්තූතිවන්ත වෙනවා. එවැනි දක්ෂ කණ්ඩායමක් සමඟ එක්ව දිගටම ක‍්‍රිකට් කී‍්‍රඩාව වෙනුවෙන් සේවය කිරීමට මා බලාපොරොත්තු වෙනවා” යයිද ඇලර්ඩිස් මහතා  පැවසීය.

”ඇලර්ඩිස් සිය තනතුරේ ස්ථාවරත්වය සඳහා අවශ්‍ය කුසලතා ප‍්‍රදර්ශනය කරලා තියෙනවා. විශේෂයෙන් මෑතකදී අවසන් වූ විස්සයි20 ලෝක කුසලාන තරගාවලියේදී” යැයි බාර්ක්ලේ මහතා ප‍්‍රකාශ කළේය.

”විස්සයි20 ලෝක කුසලාන තරගාවලිය සාර්ථකව අවසන් කිරීම සඳහා අතිශය අභියෝගාත්මක කාල පරිච්ෙඡ්දයක් තුළ දැවැන්ත නායකත්වයක් ඔහු පෙන්නුම් කළා”

”ජෙෆ්ට ගෝලීය ක‍්‍රිකට් පිළිබඳව සහ එහි පාර්ශවකරුවන් පිළිබඳව අසමසම දැනුමක් තියෙනවා. අපේ නව උපාය මාර්ගයන් සහ අපගේ මීළඟ වෙළඳ අයිතීන් ලබා දීමට පටන් ගන්නා විට ඉදිරි දශකයේදී ක‍්‍රීඩාව හැඩගස්වා ගැනීම සඳහා අපගේ සාමාජිකයින් සමඟ සහයෝගයෙන් කටයුතු කිරීමට සුදුසු පුද්ගලයා ඔහු බව නිරන්තරයෙන් පෙන්නුම් කර තියෙනවා” යයිද බාක්ලේ මහතා වැඩිදුරටත් පැවසීය.

- 2079

 


අදහස් (0)

ජෙෆ් ඇලර්ඩිස්ට තනතුර හිමිවෙයි

ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.