නෙදර්ලන්තය සහ පාකිස්තානය අතර පර්ත් නුවරදී අද (30 වැනිදා) පැවැත්වෙන විස්සයි-20 ලෝක කුසලාන ක්‍රිකට් තරගාවලියේ සුපිරි 12 දෙනාගේ වටයේ තරගයේදී කාසියේ වාසිය දිනා පළමුවෙන් පන්දුවට පහරදුන් නෙදර්ලන්තයට ඕවර 20 අවසානයේ කඩුලු 9 ක් දැවී ලබාගත හැකි වූයේ ලකුණු 91 ක් පමණි.
එහිදී ශදාබ් ඛාන් ලකුණු 22 කට කඩුලු 3 ක්ද, මොහොමඩ් වසීම් ලකුණු 15 කට කඩුලු 2 ක්ද බිඳහෙළමින් පන්දුවෙන් දස්කම් දැක්වූ අතර ශහීන් අෆ්රිඩි, නසීම් ෂා සහ හාරිස් රවුෆ් එක් කඩුල්ල බැගින් දවාගැනීමට සමත් වූහ.
නෙදර්ලන්ත ඉනිමේ වැඩිම ලකුණු ලාභියා බවට පත්වූ කොලින් ඇකර්මාන් හතරේ පහර 2 ක් සමග පන්දු 27 කින් ලකුණු 27 ක් රැස්කළ අතර පිතිකරුවන් 8 දෙනෙකුම ලකුණු 10 සීමාව ඉක්මවා යෑමටත් මත්තෙන් දැවී යෑම නෙදර්ලන්තයට විශාල පාඩුවක් විය.
නෙදර්ලනතය - ඕවර 20 කදී කඩුලු 9 කට 91
(කොලින් ඇකර්මාන් 27, ස්කොට් එඩ්වඩ්ස් 15, ශදාබ් ඛාන් 22/3, මොහොමඩ් වසීම් 15/2)
-036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
