සිම්බාබ්වේ හිදී පැවැත්වෙන කාන්තා ලෝක කුසලාන කි‍්‍රකට් තරගාවලියේ සුදුසුකම් ලැබීමේ තරඟාවලියෙන් පැපුවා නිව්ගිනියාව ඉවත් වී තිබේ. පැපුවා නිව්ගිනියානු කාන්තා කණ්ඩායමේ කොරෝනා ආසාදිතයන් වාර්තා වීම හේතුවෙන් ඔවුන්ට ලෝක කුසලාන සුදුසුකම් ලැබීමේ තරඟාවලියෙන් ඉවත්වීමට සිදුවී ඇත.
ඔවුන් කාන්තා ලෝක කුසලාන සුදුසුකම් ලැබීමේ තරඟාවලියට සහභාගිවීමට සූදානමින් සිටියද, පසුගිය 6 වැනිදා කරන ලද පී.සී.ආර්. පරීක්‍ෂණ කිහිපයකදීම කොරෝනා වයිරසය ආසාදිත කී‍්‍රඩිකාවන් හමුවී තිබේ. සංචාරය සඳහා පී.සී.ආර්. පරීක්‍ෂණ ඍණාත්මක වූ, ප‍්‍රමාණවත් ක‍්‍රීඩිකාවන් නොමැති වීම හේතුවෙන් තරගාවලියෙන් ඉවත් වීමට පැපුවා නිව්ගිනියානු කණ්ඩායමට සිදුවී තිබේ.
”කණ්ඩායමට සංචාරය කිරීමට තව තවත් කාලය ලබා දීම සඳහා අපි අන්තර්ජාතික ක්රිකට් සභාව සමගින් සාකච්ඡුා කර සති අන්තයේ තිබෙන ගුවන් ගමන් පිළිබඳව සොයා බැලූවා. නමුත් අවාසනාවකට, සංචාරය සාර්ථක කරගැනීමට ගත්් සියලූම අමතර උත්සාහයන් අසාර්ථක වුනා” යැයි පැපුවා නිව්ගිනියානු කි‍්‍රකට් ආයතනය මාධ්‍ය නිවේදනයක් නිකුත් කළේය.
පැපුවා නිව්ගිනියා කණ්ඩායම දේශගුණයට හුරුවීම සඳහා කලින් සිම්බාබ්වේ වෙත ළඟා වනු ඇතැයි අපේක්ෂා කරන ලදී. කොරෝනා වයිරසයේ ව්‍යාප්තිය හේතුවෙන් පැපුවා නිව්ගිනියාව වසර දෙකක් පමණ ක්රීඩා කර නැත.
ලෝක කුසලාන සුදුසුකම් ලැබීමේ තරඟාවලියේදී පැපුවා නිව්ගිනියාව, බටහිර ඉන්දීය කොදෙව්, නෙදර්ලන්තය, අයර්ලන්තය සහ ශ්රී ලංකාව සමඟින් කාණ්ඩගත කර තිබුණි.
- 2079
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
