දිගින් දිගටම පැවැති වර්ෂාව හේතුවෙන් එංගලන්තය සහ නවසීලන්තය අතර ලෝඩ්ස් ක්‍රීඩාංගණයේදී පැවැත්වෙන පළමු ටෙස්ට් තරගයේ තුන්වැනි දිනය වූ අද (04 වැනිදා) දිවා ආහාරයට පෙර එකම පන්දුවක් වත් යැවිය නොහැකි විය. තරගයේ දෙවැනි දිනය නිමා වන විට එංගලන්ත කණ්ඩායම සිය පළමු ඉනිම වෙනුවෙන් කඩලු 2 ක් දැවී ලකුණු 111 ක් ලබා සිටියේය.
නවසීලන්ත කණ්ඩායම සිය පළමු ඉනිම වෙනුවෙන් ලකුණු 378 ක් ලබාගෙන තිබූ අතර කෝඩුකාර ඩෙවොන් කොන්වේ ලකුණු 200 ක් ලබාගත්තේය. දකුණු අප්‍රිකාවේ උපත ලද ඩෙවොන් කොන්වේ සිය ක්‍රිකට් දිවිය සරුසාර කරගැනීම සඳහා නවසීලන්තයට සංක්‍රමණය වූ ක්‍රීඩකයෙකි.
එංගලන්ත කණ්ඩායමේ පළමු කඩුලු දෙකම ලකුණු 18 කට බිඳ වැටුණ නමුත් රෝරි බර්න්ස් (නොදැවී 59) සහ නායක ජෝ රූට් (නොදැවී 42) එක්ව ලකුණු 93 ක අඛණ්ඩ සම්බන්ධතාවක් ගොඩනඟමින් සිය කණ්ඩායම ගොඩගත්හ.
අද පෙරවරු 11.00 ට තරගය ආරම්භ කිරීමට නියමිතය තිබුණද දිගින් දිගටම පැවැති වර්ෂාව හේතුවෙන් ක්‍රීඩාංගණයේ තණතීරුව වසා දමා තිබිණ. එහෙත් තරග කොන්දේසි අනුව, නියමිත ආලෝකය තිබේ නම්, අහිමි වූ කාලය නැවත අල්ලා ගැනීම සඳහා රාත්‍රී 7.30 දක්වා තරගය පවත්වාගෙන යා හැකිය.
- 213
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
