සංචාරක පාකිස්තාන ‘ඒ’ කණ්ඩායමට එරෙහිව හෙට (10 වැනිදා) ආරම්භවන තරග 3 කින් සමන්විත නිල නො එක්දින තරගාවලියේදී ශ්‍රී ලංකා ‘ඒ’ කණ්ඩායම මෙහෙය වීමේ වගකීම කමිඳු මෙන්ඩිස්ට හිමිව ඇත.
ශ්‍රී ලංකා විස්සයි20 ලෝක කුසලාන සංචිතයට එක්ව සිටි කමිඳු මෙන්ඩිස්, අශේන් බණ්ඩාර, පුලින තරංග සහ ශිරාන් ප්‍රනාන්දු පාකිස්තාන ‘ඒ’ කණ්ඩායමට එරෙහිව නම්කළ ශ්‍රී ලංකා ‘ඒ’ සංචිතයට නම් කිරීමට තේරීම් කමිටුව පියවර ගෙන ඇත.
පාකිස්තාන ‘ඒ’ කණ්ඩායමට එරෙහිව පසුගියදා අවසන් වූ තරග 2 කින් සමන්විත නිල නොවන ටෙස්ට් සංචිතයට එක්ව සිටි ක්‍රීඩකයන් 7 දෙනෙකු ජෛව ආරක්‍ෂිත බුබුලෙන් ඉවත් කිරීමට පියවර ගෙන ඇත. ඒ අනුව ඕෂධ ප්‍රනාන්දු, විශ්ව ප්‍රනාන්දු, ලසිත් ඇඹුල්දෙණිය, අසිත ප්‍රනාන්දු, කමිල් මිෂාර, සුමින්ද ලක්ෂාන් සහ චාමික ගුණසේකරට ශ්‍රී ලංකා ‘ඒ’ සංචිතය අතහැර යති.
පළමු නිල නොවන එක්දින තරගය හෙට ආරම්භ වන අතර දෙවැනි නිල නොවන එක්දින තරගය 12 වැනිදාත්, තෙවැනි නිල නොවන එක්දින තරගය 15 වැනිදාත් රන්ගිරි දඹුල්ල ජාත්‍යන්තර ක්‍රිකට් ක්‍රීඩාංගණයේදී පැවැත්වේ.
ශ්‍රී ලංකා ‘ඒ’ සංචිතය
කමිඳු මෙන්ඩිස් (නායක), අශේන් බණ්ඩාර, පුලින තරංග, ශිරාන් ප්‍රනාන්දු, සධීර සමරවික්‍රම, නිශාන් මදුෂ්ක, ළහිරු උදාර, ලසිත් කෘස්පුල්ලේ, නුවනිඳු ප්‍රනාන්දු, නිපුන් ධනංජය, සහන් ආරච්චිගේ, සම්මු අශාන්, ලසිත් අබේරත්න, කළණ පෙරේරා, මොහොමඞ් ශිරාස්, හිමේෂ් රාමනායක, අශේන් ඩැනියෙල්, දුවිඳු තිලකරත්න සහ ළහිරු සමරකෝන්.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
