(ශානුක අරවින්ද)
පොදු රාජ්‍ය මණ්ඩලයීය ක්‍රීඩා උළෙලේ වෙරළ‍වොලිබෝල් කාන්තා ඉසව්වේ ඊයේ (5 වැනිදා) රාත්‍රියේ පැවැති අර්ධ අවසන් පූර්ව වටයේ තරගයකදී කැනඩාව හමුවේ වට 2-0 ක් පරාජය වීම හේතුවෙන් ශ්‍රී ලංකාවට එම ඉසව්වේ අවසන් පූර්ව වටයට සුදුසුකම් ලබාගැනීමට නොහැකි විය.
ලකුණු 21/09 ක් ලෙස එම තරගයේ පළමු වටයේදී පරාජයට පත්වූ ශ්‍රී ලංකාවේ දීපිකා බණ්ඩාර සහ චතුරිකා වීරසිංහ, එහි දෙවැනි වටයේදී කැනඩා ක්‍රීඩිකාවන් හමුවේ පරාජයට පත් වූයේ ලකුණු 21/11 ලෙසිනි.
මූලික වටයේදී ‘බී’ කාණ්ඩය යටතේ තරග වැදුණ ශ්‍රී ලංකාව එහිදී ඕස්ට්‍රේලියාව හමුවේ වට 2-0 ක් ලෙසද, සයිප්‍රසය හමුවේ වට 2-0 ක් ලෙසද පරාජයට පත්වූ අතර ට්‍රිනිඩෑඩ් සහ ටොබේගෝ දූපතට එරෙහිව වට 2-0 ක ජයක් ලැබීය. ඒ අනුව ‘බී’ කාණඩයේ තෙවැනියා ලෙස ශ්‍රී ලංකාව අවසන් පූර්ව වටයට පිවිසියේය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
