ගල්කිස්ස තෝමසුවන් අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ පළමු කොටසේ අවසන් පූර්ව වටය සඳහා සුදුසුකම් ලබාගැනීමට ගල්කිස්ස සාන්ත තෝමස් විදුහල ඊයේ (01 වැනිදා) සමත්විය.

ගල්කිස්ස සාන්ත තෝමස් විදුහල සහ කොළඹ නාලන්ද විදුහල අතර අර්ධ අවසන් පූර්ව තරගය පසුගිය සතියේ පැවතියද කණ්ඩායම් දෙකේ ලකුණු සමවීම හේතුවෙන් තරගය නැවත ඊයේ පැවැත්වීමට සිදුවිය.

කොළඹ රාජකීය විදුහල් ක්‍රීඩාංගණයේදී නැවත පැවැත්වූ අර්ධ අවසන් පූර්ව තරගයේදී කඩුලු 4 ක ජයක් හිමිකර ගැනීමට ගල්කිස්ස සාන්ත තෝමස් විදුහල සමත්විය.

දිල්මින් රත්නායක කඩුලු 4 ක් සහ ශලින් ද මෙල් කඩුලු 3 ක් දවාගනිමින් පන්දුවෙන් දස්කම් දැක්වූහ.

නාලන්ද විදුහල - ඕවර 48.2 කදී සියලුදෙනා දැවී 164
(ලක්ෂාන් මායාදුන්නේ 35, ජයෝද් කල්දේරා 29, රවීන් ද සිල්වා 30, දිල්මින් රත්නායක 46/4, ශලින් ද මෙල් 28/3, ශමිල්ක වික්‍රමතිලක 22/2)

සා.තෝමස් විදුහල - ඕවර 44.2 කදී කඩුලු 6 ක් දැවී 165
(කිශාන් මුණසිංහ නොදැවී 37, මනීෂ රූපසිංහ 36, ඩියෝන් ප්‍රනාන්දු 28, ජිතේෂ් වාසල 30/2, රශාන් දිසානායක 18/2, චමෝද්‍ය රාජපක්ෂ 25/2)