ගාල්ල මහින්දයට කඩුල්ලක තියූණු ජයක්

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව වටය සඳහා සුදුසුකම් ලබාගැනීමට ගාල්ල මහින්ද විදුහල ඊයේ (20 වැනිදා) සමත්විය.

ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී මොරටුව වේල්ස් කුමර විදුහලට එරෙහිව කඩුල්ලක තියුණු ජයක් හිමිකර ගැනීමට ගාල්ල මහින්ද විදුහල සමත්විය.

මොරටුව වේල්ස් කුමර විදුහලේ උපේක ප්‍රනාන්දු (69) සහ අනුප හේෂාන් (53) අර්ධ ශතක ලබාගනිමින් පිත්තෙන් දස්කම් දැක්වුවද ජයග්‍රහණයට එය ප්‍රමාණවත් නොවීය.

වේල්ස් කුමර විදුහල - ඕවර 49.4 කදී සියලුදෙනා දැවී 157
(උපේක ප්‍රනාන්දු 69, අනුප හේෂාන් 53, කවීෂ විමුක්ති 17/2)

මහින්ද විදුහල - ඕවර 47.4 කදී කඩුලු 9 ක් දැවී 158
(සිතිර හේලිත 41, සඛ්‍ය සම්පත් 24, නවෝද් පරණවිතාන 23, අශාන් ප්‍රනාන්දු 24/3, ලක්ෂාන් පෙරේරා 18/2)