නාලන්දා මැදි විදුහල අර්ධ අවසන් පූර්ව වටයට

අන්තර් පාසල් වයස 17 න් පහළ ‘සිංගර් කුසලාන’ සීමිත ඕවර ක්‍රිකට් තරගාවලියේ II වැනි කාණ්ඩයේ අර්ධ අවසන් පූර්ව වටයට සුදුසුකම් ලබා ගැනීමට මිනුවන්ගොඩ නාලන්දා මැදි විදුහල සමත් විය.

දිවුලපිටිය මහජන ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී බලපිටිය සිද්ධාර්ථ විදුහලට එරෙහිව ලකුණු 16 ක ජයක් අත්කර ගනිමින් නාලන්දා මැදි විදුහල අර්ධ අවසන් පූර්ව වටයට සුදුසුකම් ලබා ගත්තේය.

එහිදී නාලන්දා මැදි විදුහලේ ජනිත් මුතුගල ලකුණු 13 කට කඩුලු 4 ක්ද, චානක සමීර ලකුණු 63 කට කඩුලු 3 ක්ද දවාගැනිමින් දක්ෂ පන්දු යැවීමක නිතර වූහ.

නාලන්දා මැදි විදුහල - ඕවර 46.4 කදී සියලු දෙනා දැවී 159  
(චානක සමීර 38, සුමේද සඳරුවන් 31, දිනාල් කාවින්ද 27/4, නවෝද් හසරංග 01/2)

සිද්ධාර්ථ විදුහල - ඕවර 35.3 කදී සියලු දෙනා දැවී 143
(බුද්දි කල්හාර 59, ජනිත් මතුගල 13/4, චානක සමීර 63/3)