(ශානුක අරවින්ද බෙංගලූරු සිට..)
ලෝක කුසලාන ක්‍රිකට් තරගාවලියට සහභාගි වෙමන් සිටියදී පෞද්ගලික හේතුවක් මත ඉකුත් 18 වැනිදා ශ්‍රී ලංකාව බලා පිටත්ව ගිය ශ්‍රී ලංකා කණ්ඩායමේ පුහුණු උපදේශක මහේල ජයවර්ධන මහතා, යළිත් කණ්ඩායම සමග එක්වීම සඳහා අද රාත්‍රියේ (23 වැනිදා) ඉන්දියාව බලා පැමිණීමට නියමිතව ඇතැයි වාර්තා වේ.
ඕස්ට්‍රේලියවට එරෙහිව පැවැති තරගයේදී ශ්‍රී ලංකාව පරාජය වීමෙන් අනතුරුව ශ්‍රී ලංකාව බලා ගිය ජයවර්ධන මහතාට නෙදර්ලන්තයට එරෙහිව පැවැති තරගයේදී ශ්‍රී ලංකා කණ්ඩායම ජය ලබන විට සහාය දැක්වීමට නොහැකි විය.
කෙසේ වුවත් එළඹෙන 26 වැනිදා ශ්‍රී ලංකාව සහ එංගලන්තය අතර බෙංගලූරුහිදී පැවැත්වෙන තරගයට පෙර පැවැත්වෙන පුහුණු සැසි සඳහා ජයවර්ධන මහතා එක්වීමට නියමිතව ඇති බවද වැඩි දුරටත් දැනගන්නට ලැබේ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
