යුරෝපයේ පාපන්දු සමය අරම්භ වී තිබේ. යුරෝ නෝට්ටු පෙට්ටි පිටින් හුවමාරු වන එහි ඇත්තේ අපූර්ව තරගකාරිත්වයකි.
ස්පාඤ්ඤයේ ක්‍රීඩා සමාජ අතර පැවැත්වෙන ලා ලීගා පාපන්දු ලීගයේ පළමු සතිය අවසන් වන විට ප්‍රසාද ලකුණු සටහනේ පෙරමුණ ගැනීමට රියල් මැඩ්රිඩ් ක්‍රීඩා සමාජය සමත් ව සිටියේය. රියල් මැඩ්රිඩ් යනු ලා ලිගා තරගාවලියේ අතිශය ප්‍රබල කණ්ඩායම් වලින් එකකි.
සෙනසුරාදා (14 වැනිදා) පැවැති තරගයකදී ඇලවේස් ක්‍රීඩා සමාජයට එරෙහිව ගෝල 4-1 ක ජයක් ලබමින් රියල් මැඩ්රිඩ් ක්‍රීඩා සමාජය පෙරමුණට පැමිණියේය.
පළමු සතිය තුළ පැවැති සෙසු තරගවලදී ජයග්‍රහණ වාර්තා කිරීමට ඇ.ත්ලෙටිකෝ මැඩ්රිඩ්, බාර්සිලෝනා, සෙවිලා සහ වැලෙන්සියා යන ක්‍රීඩා සමාජ සමත් වූහ. පිළිවෙලින් සෙල්ටා වීගෝ, රියල් සෝසියෙඩාඩ්, රයෝ වැලෙකානෝ සහ ගෙටාෆි යන ක්‍රීඩා සමාජ ඔවුන් හමුවේ පරාජයට පත්වූහ.
පළමු සතිය අවසානයේ ජයග්‍රහණ ලැබූ ක්‍රීඩා සමාජ 5 ම ලකුණු 3 බැගින් සම ලකුණු ලබා සිටියද, ලබාගත් සහ දුන් ගෝල සංඛ්‍යාවන් අනුව සෙවිලා, බාර්සිලෝනා, ඇත්ලෙටිකෝ මැඩ්රිඩ් සහ වැලෙන්සියා යන ක්‍රීඩා සමාජ පිළිවෙලින් දෙවැනි, තෙවැනි, සිවුවැනි සහ පස්වැනි ස්ථාන හිමිකර ගෙන සිටිති.
සඳුදා පැවැති තරග
විලාරියල් (0) සහ ග්‍රැනඩා (0) අතර තරගය සමයි.
එල්චෙ (0) සහ ඇත්ලෙටික් බිල්බාවෝ (0) අතර තරගය සමයි.
ඉරිදා පැවැති තරග
ඇට්ලෙටිකෝ මැරීඩ් (2) විසින් සෙල්ටා වීගෝ (1) පරාජය කරන ලදි.
බාර්සිලෝනා (4) විසින් රියල් සෝසියෙඩාඩ් (2) පරාජය කරන ලදි.
සෙවිලා (3) විසින් රයෝ වැලෙකානෝ (0) පරාජය කරන ලදි.
සෙනසුරාදා පැවැති තරග
කාඩිස් (1) සහ ලෙවන්ටි (1) අතර තරගය සමයි.
මලෝර්කා (1) සහ රියල් බෙටිස් (1) අතර තරගය සමයි.
රියල් මැඩ්රිඩ් (4) විසින් ඇලවේස් (1) පරාජය කරන ලදි.
ඔසසුනා (0) සහ එස්පැන්යෝල් (0) අතර තරගය සමයි.
සිකුරාදා පැවැති තරගය
වැලෙන්සියා (1) විසින් ගෙටාෆි (0) පරාජය කරන ලදි.
- 036
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
