වික්‍රමභාහු ජාතික පාසල අ.අ.පූ.වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ තෙවැනි කොටසේ අර්ධ අවසන් පූර්ව වටය සඳහා සුදුසුකම් ලබාගැනීමට ගම්පොල වික්‍රමභාහු ජාතික පාසල අද (5 වැනිදා) සමත්විය.

බදුල්ල මහජන ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී බණ්ඩාරවෙල ශාන්ත තෝමස් විදුහල කඩුලු 7 කින් පරාජය කිරීමට වික්‍රමභාහු ජාතික පාසල සමත්විය.

ප්‍රගීත් අනුරසිරි ලකුණු 09 කට කඩුලු 6 ක් දවාගනිමින් ගම්පොල වික්‍රමභාහු ජාතික පාසල වෙනුවෙන් පන්දුවෙන් දස්කම් දැක්වීය.

ශා.තෝමස් විදුහල - ඕවර 26.1 කදී සියලුදෙනා දැවී 79
(තෙවින් අමරසිංහ 28, ප්‍රගීත් අනුරසිරි 09/6)

වික්‍රමභාහු විදුහල - ඕවර 13.3 කදී කඩුලු 3 ක් දැවී 80
(තත්සර ගමගේ 46, පැතුම් අබේරත්න 14/2)