ශනුක - ශාන් කොළඹ පීතරයන්ට ජය ගෙනෙති

‘සිංගර් කුසලාන’ වයස 17 න් පහළ ක්‍රිකට් තරගාවලියේ II කොටසේ දෙවැනි වටයේ තරගයකදී වත්තල ලයිසියම් ජාත්‍යන්තර පාසලට එරෙහිව ලකුණු 76 ක ජයක් හිමිකර ගැනීමට කොළඹ ශාන්ත පීතර විදුහල ඊයේ (16 වැනිදා) සමත්විය. මෙම තරගය දී වත්තල ලයිසියම් ජාත්‍යන්තර පාසල් ක්‍රීඩාංගණයේදී පැවැත්විණි.

ශනුක ගලගොඩ (143) ශතකයක් සහ ශාන් ප්‍රනාන්දු කඩුලු 5 ක් දවාගනිමින් කොළඹ ශාන්ත පීතර විදුහල ජයග්‍රහණය කරා රැගෙන යාමට සමත්වූහ.

ශා.පීතර විදුහල - ඕවර 47 කදී කඩුලු 6 ක් දැවී 264
(ශනුක ගලගොඩ 143, මයුර සමරවික්‍රම නොදැවී 45, ඊතන් ප්‍රනාන්දු 27, අභීත අබිනෙත් 56/2)

ලයිසියම් පාසල- ඕවර 40.3 කදී සියලුදෙනා දැවී 188
(පසිඳු කමේෂ් 78, සමිඳු නිලූශ 40, ශාන් ප්‍රනාන්දු 32/5)