(බෙලිහුල්ඔය ප්‍රින්ස් රත්නායක)
ඩුබායිහි දී පැවැත්වෙන අරාබි ක්ලැසික් බේස්බෝල් තරගාවලියට සහභාගි වීම ගිය ශ්‍රී ලංකා බේස් බෝල් කණ්ඩායම විසින් පළමු තරඟයේදීම 15:6 ලෙස අරාබි කණ්ඩායම පරාජය කරන ලදි. ඩුබාහි භූ බල් පාක් හි මෙම තරගය පැවැත්විණ.
ඊශ්‍රායල් කණ්ඩායමට තියුණු තරගයක් දුන් ශ්‍රී ලංකා ක්‍රීඩකයෝ 8:7 ලෙස එක් ලකුණකින් පරාජයට පත්වූ නමුත් නේපාලයට එරෙහිව පැවැති තරගය 10:0 ක් ලෙස ජයගත්හ. ඒ අනුව පළමු වටයේ තරග තුනෙන් දෙකක ජය හිමිකර ගනිමින් 10 වැනිදා (අද) පළමු කාර්තුවේ තරගය සඳහා සුදුසුකම් ලබා ඇත.
ඒ අනුව ඉන්දියාව සහ බංගලාදේශය අතර තරගයෙන් ජය ගන්නා කණ්ඩායම සමග ශ්‍රී ලංකා කණ්ඩායම තරග වැදීමට නියමිතය. එම තරගයෙන් ද ශ්‍රී ලංකා පිල ජයග්‍රහණය කළ හොත් අවසන් පූර්ව තරගය පකිස්තාන කණ්ඩායම සමග වනු ඇති බව කණ්ඩායම් කළමණාකාර තීක්ෂණ ගම්මන්පිල මහතා පැවසීය.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
