(නාමල් පතිරගේ)
දකුණු අප්‍රිකාවේ කේප්ටවුන් නුවරදී අද (31) රාත්‍රියේ පැවැති 16 වැනි ලෝක කුසලාන දැල්පන්දු තරගාවලියේ ශ්‍රේණිගත තරගයකදී ශ්‍රී ලංකාව සිංගප්පූරුව හමුවේ ලකුණු 55-52 තියුණු පරාජයක් ලැබීය.
එහිදී ශ්‍රී ලංකාව වට 4න් 3 කදී ලකුණු 10/19, 17/07, 13/16, 12/13 ක් ලෙස පසුබෑමකට ලක්විය. මෙහි විශේෂත්වය පසුගිය සැප්තැම්බර් මාසයේ පැවැති ආසියානු කුසලාන අවසන් මහ තරගයේදී ලකුණු 63-53 කට සිංගප්පූරුව පරාජය කළ ශ්‍රී ලංකාව මෙවර ලකුණු 03කින් ඔවුන්ට පරාජය විය. එහි මූලික වටයේ තරගයකදීද ශ්‍රී ලංකාව විසින් සිංගප්පූරුව ලකුණු 67-49 කට පරාජය කිරීමට සමත්විය.
මෙවර ලෝක කුසලාන තරගාවලියේදී ශ්‍රී ලංකාව පිටපිටම අත්කරගත් සිවු වැනි පරාජය මෙයයි.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
