ශා.අන්තෝනී විදුහල අර්ධ අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව තරගය සඳහා සුදුසුකම් ලබාගැනීමට වත්තල ශාන්ත අන්තෝනී විදුහල ඊයේ (22 වැනිදා) සමත්විය.

කොළඹ ශාන්ත පීතර විදුහල් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී ශාන්ත පීතර විදුහලට එරෙහිව කඩුලු 2 ක ජයක් අත්කර ගැනීමට ශාන්ත අන්තෝනී විදුහල සමත්විය.

අවිශ්ක තරිඳු (68) අර්ධ ශතකයක් ලබාගනිමින් ශාන්ත අන්තෝනී විදුහල වෙනුවෙන් පිත්තෙන් දස්කම් දැක්වීය.

ශා.පිතර විදුහල - ඕවර 50 කදී කඩුලු 7 ක් දැවී 248
(ශෙනල් බොතේජූ 68, විනුද ලියනගේ නොදැවී 47, හිම්සර රංදෙණිය 47, සවිරු පිරීස් නොදැවී 20, ක්ලිෆර්ඞ් එලිමස් 40/3, අවිශ්ක තරිඳු 35/2)

ශා.අන්තෝනී විදුහල - ඕවර 48.3 කදී කඩුලු 8 ක් දැවී 252
(අවිශ්ක තරිඳු 68, සංකිත හිරුෂාන් 41, ඔසඳ ජයතිලක 40, චාමික දිල්ශාන් නොදැවී 25, අබ්දුල් රහුමාන් නොදැවී 20, විශාල් සිල්වා 20, පබසර හේරත් 44/3, මොනිල් සිල්වා 36/2)