ශා.අන්තෝනි විදුහල අර්ධ අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව වටය සඳහා සුදුසුකම් ලබාගැනීමට මහනුවර ශාන්ත අන්තෝනී විදුහල ඊයේ (23 වැනිදා) සමත්විය.

මහනුවර ශාන්ත අන්තෝනී විදුහල් ක්‍රීඩාංගණයේදී පැවැති පෙර අර්ධ අවසන් පූර්ව තරගයේදී කොළඹ ආනන්ද විදුහල කඩුලු 2 කින් පරාජය කිරීමට ශාන්ත අන්තෝනී විදුහල සමත්විය.

ප්‍රභාත් සචින් (72) සහ දයාන් පංකජ (55) අර්ධ ශතක ලබාගනිමින් ශාන්ත අන්තෝනි විදුහල වෙනුවෙන් දස්කම් දක්වන විටදී විනුජ විජේබණ්ඩාර (96) අර්ධ ශතකයක් ලබාගනිමින් ආනන්ද විදුහල වෙනුවෙන් පිත්තෙන් දස්කම් දැක්වීය.

ආනන්ද විදුහල - ඕවර 49.1 කදී සියලුදෙනා දැවී 244
(විනුජ විජේබණ්ඩාර 96, කණිෂ්ක රංතිලකගේ 45, ජනිඳු ජයවර්ධන 35, සවිඳු බණ්ඩාර 24, සසිත හිරුදික 44/3, නිම්නක ජයතිලක 30/2, චමිඳු වික්‍රමසිංහ 51/2, තරිඳු හේවගේ 38/2)

ශා.අන්තෝනී විදුහල - ඕවර 49.4 කදී කඩුලු 8 ක් දැවී 247
(ප්‍රභාත් සචින් 72, දයාන් පංකජ 55, ලසිත වැරුල්ලගේ නොදැවී 45, කණිෂ්ක රංතිලකගේ 43/3, ජනිඳු ජයවර්ධන 37/2)