ශා.ජෝසප් විදුහල අවසන් තරගයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ පළමු කොටසේ අවසන් තරගය සඳහා සුදුසුකම් ලබාගැනීමට කොළඹ ශාන්ත ජෝසප් විද්‍යාලය අද (4 වැනිදා) සමත්විය.

ගාල්ල ජාත්‍යන්තර ක්‍රිකට් ක්‍රීඩාංගණයේදී පැවැති අවසන් පූර්ව තරගයේදී ගාල්ල මහින්ද විද්‍යාලය ලකුණු 11 කින් පරාජය කිරීමට කොළඹ ශාන්ත ජෝසප් විද්‍යාලය සමත්විය.

ලක්ෂාන් ගමගේ කඩුලු 3 ක්ද දුනිත් වෙල්ලාලගේ සහ අශේන් ඩැනියල් කඩුලු 2 බැගින් දවාගනිමින් ශාන්ත ජෝසප් විද්‍යාලය ජයග්‍රහණය කරා රැගෙන යාමට සමත්වූහ.

මහින්ද විද්‍යාලය වෙනුවෙන් ඔසිඳු කාවින්ද්‍ය අර්ධ ශතකයක්ද, කුෂාන් මදුෂාන් සහ සුබානු රාජපක්ෂ කඩුලු 3 බැගින් දවාගනිමින් පන්දුවෙන් දස්කම් දැක්වුවද ජයග්‍රහණයට එය ප්‍රමාණවත් නොවීය.

ශා.ජෝසප් විදුහල - ඕවර 48 කදී සියලුදෙනා දැවී 177
(මිරංග වික්‍රමගේ 45, දිනල් අනුරාධ 24, දුනිත් වෙල්ලාලගේ 22, ශෙරාන් ෆොන්සේකා 20, ශෙවාන් රසූල් 20, කුෂාන් මදුෂාන් 17/3, සුබානු රාජපක්ෂ 49/3)

මහින්ද විදුහල - ඕවර 49.1 කදී සියලුදෙනා දැවී 166
(ඔසිඳු කාවින්ද්‍ය 50, නවෝද් පරණවිතාන 33, සිතාර ගුරුගේ 25, ලක්ෂාන් ගමගේ 43/3, දුනිත් වෙල්ලාලගේ 22/2, අශේන් ඩැනියල් 31/2)