සා.තෝමස් විදුහල අර්ධ අවසන් පූර්ව වටයට

‘සිංගර් කුසලාන’ වයස 17 න් පහළ ක්‍රිකට් තරගාවලියේ I කොටසේ අර්ධ අවසන් පූර්ව වටය සඳහා සුදුසුකම් ලබාගැනීමට ගල්කිස්ස සාන්ත තෝමස් විදුහල සමත්විය.

ගල්කිස්ස සාන්ත තෝමස් විදුහල් ක්‍රීඩාංගණයේදී පැවැති පෙර අර්ධ අවසන් පූර්ව වටයේ තරගයකදී මහනුවර ධර්මරාජ විදුහල කඩුලු 7 කින් පරාජය කිරීමට ගල්කිස්ස සාන්ත තෝමස් විදුහල සමත්විය.

ඩෙවෝන් ප්‍රනාන්දු (නොදැවී 51) අර්ධ ශතකයක් සහ ශමිල්ක වික්‍රමතිලක ලකුණු 26 කට කඩුලු 4 ක් දවාගනිමින් සාන්ත තෝමස් විදුහල වෙනුවෙන් දස්කම් දැක්වූහ.

ධර්මරාජ විදුහල - ඕවර 49.2 කදී සියලුදෙනා දැවී 148
(දුලාජ් බණ්ඩාර 46, ධනුක මාරසිංහ 21, ඉසුරු දයානන්ද 20, ශමිල්ක වික්‍රමතිලක 26/4, කිශාන් මුණසිංහ 18/2, උමයංග සුවාරිස් 29/2)

සා.තෝමස් විදුහල - ඕවර 36.3 කදී කඩුලු 3 ක් දැවී 150
(ඩෙවෝන් ප්‍රනාන්දු නොදැවී 51, රවිඳු ද සිල්වා 36, දිල්මින් රත්නායක 24, කිෂාන් මුණසිංහ නොදැවී 22)