සෑම් චන්ද්‍රසිංහ අභියෝග කුසලාන වෙනුවෙන් පැවැත්වෙන ආනන්ද විද්‍යාල‍යීය අන්තර් නිවාස පාපන්දු තරගාවලියේ සම ශූරතාව අසෝක නිවාසය හා පරාක්‍රම නිවාසය විසින් දිනා ගන්නා ලදී. මෙම තරගාවලිය පසුගියදා රාජගිරිය ක්‍රීඩාංගණයේදී පැවැත්විණ. ආනන්ද විද්‍යාලය තුළ පාපන්දු ක්‍රීඩාව දියුණු කිරීමේ අරමුණින් මෙම තරගාවලිය වයස් කාන්ඩ 05ක් යටතේ පැවැත්වෙයි.
එංගලන්තයේ සුප්‍රසිද්ධ ව්‍යාපාරිකයකු වන ආදි ආනන්දීය සෑම් චන්ද්‍රසිංහ මහතාගේ ධන පරිත්‍යාගයෙන් මෙම තරගාවලිය පැවැත්විණ. සිසුන් 250 කට අධික සංඛ්‍යාවක් මෙම තරගාවලිය සඳහා සහභාගි වූ අතර සෑම ශිෂ්‍යයෙක් සඳහාම පදක්කමක් සහ සහතික පත්‍රයක් පිරිනැමිණ.
තරගාවලියේ සම ශූරතාව දිනූ නිවාස නායකයන් සෑම් චන්ද්‍රසිංහ මහතා අතින් කුසලාන ලබාගත් අවස්ථාව ඡායාරූපයේ දැක්වේ. මෙම අවස්ථාව සඳහා ආනන්ද විද්‍යාලයේ විදුහල්පති ලාල් දිසානායක, ආදි ආනන්දීය පාපන්දු සංගමයේ සභාපති තිලක් ද සිල්වා සහ පාපන්දු භාර ආචාරණී සන්දීපනී කුමාරිගංගොඩ මහත්මියද සහභාගි වූහ.
ඔබේ අදහස් එවන්න.
ඔබේ අදහස් සිංහලෙන්, ඉංග්‍රීසියෙන් හෝ සිංහල ශබ්ද ඉංග්‍රීසි අකුරෙන් ලියා එවන්න.
