සෝන්ඩර්ස් මුල් පුටුව දක්ෂිත සුමතිපාලට

සෝන්ඩර්ස් (පාපන්දු) ක්‍රීඩා සමාජයේ නව සභාපතිවරයා ලෙස තිලංග දක්ෂිත සුමතිපාල මහතා නිතරයෙන් පත් විය.ඒ කොළඹ සිනමන් ලේක් සයිඩ් හෝටලයේදී පැවැති එහි 106 වැනි සංවත්සර මහ සභාවට සමගාමිව පැවැති (2024 - 26) නිලවරණයේදීය.

සුමතිපාල මහතා මේ වන විට අනුරාධපුරය පාපන්දු ලීගයේත් සභාපති ධූරය දරන අතර ශ්‍රී ලංකා පාපන්දු ආයතනයේ පැවැති (2023 - 26) නිලවරණයට ඉදිරිපත්වූ සභාපති අපේක්ෂකයෙකි.

වසර 106 ක් තරම් දිගු ඉතිහාසයක් හෙබි සෝන්ඩර්ස් ක්‍රීඩා සමාජය මෑතක් වන තුරුම මෙරට ජනප්‍රියතම පාපන්දු ක්‍රීඩා සමාජයක් ලෙස නම් දරා තිබුණේ මෙරට ප්‍රමුඛතම පාපන්දු ශූරතා ගණනාවක්ම දිනා ගනිමිණි. මෙම නිලවරණයේදී ප්‍රධාන ලේකම් ධූරයට සුමිත් වල්පොල මහතාත් භාංඩාගාරීක ධූරයට ඉසුරු පෙරේරා මහතාද පත් වූහ.

නව නිලධාරී මණ්ඩලයේ සියළු පත්වීම් නිතරයෙන් පත් කර ගැණුනි.